[nagtaud iti sao a kaipapananna ti “korona; balangat”].

 Maysa kadagiti nataengan a kameng ti kongregasion idiay Corinto, ti kabesera ti Acaya a probinsia ti Roma iti makin-abagatan a Grecia. Binautisaran a mismo ni Pablo ti sangakabbalayan ni Estefanas kas “umuna a bungbunga” ti ministeriona iti dayta a probinsia. (1Co 1:16; 16:15) Aganay lima a tawen kalpasanna, idi agarup 55 K.P., simmarungkar ken Pablo idiay Efeso da Estefanas ken ti dua pay a kakabsat manipud Corinto, ken mabalin nga isuda ti nakaammuan ni Pablo kadagiti nakalkaldaang a kasasaad nga insuratna iti umuna a kanonikal a suratna kadagiti taga Corinto. (1Co 1:11; 5:1; 11:18) Kasta met, nalabit isuda ti nangitulod iti daytoy a surat idiay Corinto.​—1Co 16:17.