[Anak ti Ama; mabalin nga, Anak ti Mannursuro].

 Ti balud a kriminal a nakabasol iti panagtakaw, panagalsa, ken pammapatay a winayawayaan ni Pilato a kasukat ni Jesus. Inaramid ni Pilato daytoy, “yantangay kayatna a penneken ti bunggoy” a nangiririaw iti pannakaluk-at ni Barabas gapu iti panangdagadag ti panguluen a papadi ken ti lallakay.​—Mt 27:15-26; Mr 15:6-15; Lu 23:16-25; Jn 18:39, 40; Ara 3:14.

 Daytoy naidumduma a kaugalian a panangluk-at iti maysa a balud iti Paskua iti kada tawen ket awan nakaibatayanna wenno ti immun-una a pagarigan iti Hebreo a Kasuratan, ket awan ti pammaneknek manipud sekular a reperensia a kadawyan dayta dagiti Romano. Nabatad a namunganay dayta kadagiti Judio, agsipud ta kinuna ni Pilato kadagiti Judio: “Adda kadawyanyo a rebbeng a luk-atak kadakayo ti maysa a tao iti paskua.”​—Jn 18:39.