Tacanguka ukuleka ukuba na kapaatulula. Nga filya fine papita inshita pa kuti umuntu apole nga nalwala, e fyo pakokola na pa kuti umuntu aleke ukuba na kapaatulula. Kuti mwacita shani pa kuti muleke ukuba na kapaatulula?

“Fwalilenipo no kutemwa, pantu e cikakilo cafikapo ica kwikatana.”—ABENA KOLOSE 3:14.

Bushe ili ilembo lyalola mwi? Abantu balekatana nga bali ne cikuuku. Nga mulelanga sana abantu ukuti mwalibatemwa, mukaleka ukuba na kapaatulula. Nga mwakwata ukutemwa, mukaleka ukuba no lupato.

Tontonkanyeni pa nshila mwingalangilamo ukuti mwalitemwa abantu ababa mwi bumba ilyo mushatemwa. Te fintu ifikalamba ifyo mulingile ukubacitila. Kuti mwaeshako ukucita ifyakonkapo:

• Mulebekatilako icibi nelyo mulebemina pa cipuna pa kuti bekalepo nga ca kuti ifipuna naficepa.

• Mule-esha ukulanda nabo ilyashi nangu ca kuti tabaishiba bwino ukulanda ululimi lwenu.

• Mulebatekanishisha nga bacita fimo ifyo mushitemenwe.

• Muleba ne cikuuku nga balelanda pa mafya bakwata.