Amashiwi ya Kutendekelako mu Cipande 6
Ilyo abena Israele bafikile mu Calo ca Bulayo, itenti lya mushilo e cifulo icikalamba ico balepepelapo Yehova. Bashimapepo balesambilisha abantu Amafunde, kabili abapingushi baletungulula abantu. Cino cipande cilelanda pa fyo ifintu umuntu apingulapo ne fyo acita fingakuma abantu bambi. Umwina Israele onse alingile ukuba uwa cishinka kuli Yehova na ku bantu bambi. Landeni pa fyo filya Debora, Naomi, Yoshua, Hana, umwana wa kwa Yefta, na Samwele bacitile fya-afwile abantu baleikala nabo. Komaileni na pa cishinka ca kuti na bashali abena Israele pamo nga Rahabu, Ruti, Yaele, e lyo na bena Gibeone, balisalilepo ukuba ku lubali lwa bena Israele pantu balishibe ukuti Lesa ali na bena Israele.
MULI ICI CIPANDE
ISAMBILILO 30
Rahabu Afisa Abaume Abaile mu Kumona Icalo
Ifibumba fya Yeriko fyabongoloka. Lelo ing’anda ya kwa Rahabu tayawile nangu ca kuti baikuliile mu cibumba.
ISAMBILILO 31
Yoshua na Bena Gibeone
Yoshua alipepele kuli Lesa ati: “Akasuba keminine shilili!” Bushe Lesa alyaswike?
ISAMBILILO 32
Intungulushi Iipya na Banakashi Babili Abashipa
Ilyo Yoshua afwile, abena Israele batendeke ukupepa ifilubi. Balecula, lelo ababafwile Mupingushi Baraki, Debora kasesema mwanakashi, e lyo na Yaele uwakwete ulupoopo!
ISAMBILILO 33
Ruti na Naomi
Abanakashi babili abo abena mwabo bafwile babwelelamo ku Israele. Ruti umo pali aba abanakashi, aile mu kubomba mwi bala, umo Boasi amumwene.
ISAMBILILO 34
Gideone Acimfya Abena Midiani
Ilyo abena Midiani balecusha abena Israele, balombele Yehova ukuti abafwe. Bushe abashilika ba kwa Gideone abali fye abanono bacimfishe shani abashilika 135,000?
ISAMBILILO 35
Hana Apepa Kuli Lesa Ukuti Amupeele Umwana Umwaume
Elkana asenda Hana, Penina, na bana ku kupepa pe tenti lya mushilo ku Shilo. Uko Hana alombele ukuti akakwate umwana umwaume. Pa numa ya mwaka umo, Samwele alifyelwe!
ISAMBILILO 36
Ifyo Yefta Alaile
Cinshi Yefta alaile, kabili mulandu nshi? Bushe umwana wa kwa Yefta acitile shani ilyo aishibe ifyo wishi alaile?
ISAMBILILO 37
Yehova Alanda na Samwele
Abana abaume babili aba kwa Shimapepo Mukalamba Eli balebombela pe tenti lya mushilo, lelo tabalekonka amafunde ya kwa Lesa. Samwele ena te fyo ali, kabili Yehova alilandile nankwe.
ISAMBILILO 39
Yehova Alipeele Samsone Amaka
Lesa alipeele Samsone amaka ayengi pa kuti acimfye abaPelishiti, lelo Samsone tapingwile bwino pa fintu, e ico abaPelishiti balimwikete.
