Amashiwi ya Kutendekelako mu Cipande 3
Baibo yalanda fye pa bantu abanono abalebombela Yehova pa numa ya Lyeshi. Pa bantu abalebombela Yehova pali na Abrahamu, uwaishibikwe ukuti ni cibusa wa kwa Yehova. Mulandu nshi balemwitila ukuti cibusa wa kwa Yehova? Nga muli bafyashi, afweni umwana wenu ukwishiba ukuti Yehova alimubikako amano kabili alafwaya ukumwafwa. Nga filya Abrahamu na baume bambi abali ne cishinka pamo nga Lote na Yakobo bacitile, na ifwe kuti twaeba Yehova ukuti aletwafwa. Kuti twacetekela ukuti fyonse ifyo Yehova alaya akafikilisha.
MULI ICI CIPANDE
ISAMBILILO 7
Ulupungu lwa Babele
Abantu bamo basalilepo ukukuula umusumba no lupungu ulutali ulwa kufika ku muulu. Mulandu nshi Lesa mukwangufyanya alengele balalanda indimi ishapusanapusana?
ISAMBILILO 8
Abrahamu na Sara Balyumfwilile Lesa
Mulandu nshi Abrahamu na Sara bafumine mu musumba umo baleikala bwino no kuya mu kwikala mu matenti mu calo ca Kanaani?
ISAMBILILO 9
Basuka Bakwata Umwana Umwaume!
Bushe Lesa ali no kufikilisha shani ifyo alaile Abrahamu? Mwana nshi uwa kwa Abrahamu uo Lesa ali no kufikilishamo ifyo alaile, bushe ni Isaki nelyo ni Ishmaele?
ISAMBILILO 10
Ibukisheni Muka Lote
Lesa aliloseshe imfula ya mulilo ne ya mabwe ya mulilo pa musumba wa Sodomu na Gomora. Mulandu nshi iyi misumba yaonawililwe? Mulandu nshi tulingile ukulaibukishisha muka Lote?
ISAMBILILO 11
Ifyo Icitetekelo Cakwe Caeshiwe
Lesa aebele Abrahamu ati: ‘Buula umwana obe umo uye umutuule ilambo pa lupili ulwabela ku Moria.’ Bushe Abrahamu acitile shani ilyo aeshiwe?
ISAMBILILO 12
Yakobo Alipokele Ubupyani
Isaki na Rebeka balikwete bampundu abaume umo ali ni Esau e lyo umbi ali ni Yakobo. Apo Esau e wali ibeli, ali no kupokelela ubupyani ubwaibela. Mulandu nshi Esau apeeleele Yakobo ubupyani pa mulandu fye we landa?
ISAMBILILO 13
Yakobo na Esau Batendeka Ukumfwana
Bushe Yakobo acitile shani pa kuti malaika amupaale? Na kabili acitile shani pa kuti atendeke ukumfwana na Esau?
