Amashiwi ya Kutendekelako mu Cipande 2
Mulandu nshi Yehova aleteele ilyeshi ilyaonawile fyonse ifyali pano calo? Kale sana ninshi abantu bali fye abanono pano calo, balingile ukusalapo nampo nga kulacita ifisuma nelyo kulacita ifyabipa. Abantu pamo nga Adamu, Efa no mwana wabo Kaini basalilepo ukucita ifyabipa. Lelo abantu bamo pamo nga, Abele na Noa bena basalilepo ukucita ifisuma. Abantu abengi balecita sana ifyabipa ica kuti Yehova asalilepo ukubonaula bonse. Ici cipande calatwafwa ukwishiba ukuti Yehova alamona ifyo tusalapo ukucita nampo nga fisuma nelyo nga fibi, no kuti takaleke ifyabipa fikatwalilile.
MULI ICI CIPANDE
ISAMBILILO 3
Adamu na Efa Balikeene Ukumfwila Lesa
Finshi Lesa alandile pa cimuti cimo icali mwi bala lya Edeni? Mulandu nshi Efa aliliile icisabo ca kuli ici icimuti?
ISAMBILILO 4
Alifulilwe ica Kuti Aipaya na Munyina
Lesa alipokelele ubupe ubo Abele apeele lelo tapokelele ubo Kaini apeele. Ilyo Kaini aishibe, alikalipe nga nshi kabili alicitile ifyabipa.
ISAMBILILO 5
Icibwato ca kwa Noa
Ilyo bamalaika baupile abanakashi pano calo, balikwete abana abali aba maka sana kabili abalecusha abantu. Abantu balecita ubunkalwe. Lelo Noa te fyo ali—alitemenwe Lesa kabili alemumfwila.
ISAMBILILO 6
Abantu 8 E Bapuswike no Kwingila mu Calo Icipya
Imfula yalilokele pa nshiku 40 akasuba no bushiku. Noa no lupwa lwakwe bali mu cibwato ukucila pa mwaka umo. Lyena balifuminemo.
