Amashiwi ya Kutendekelako mu Cipande 12
Yesu alesambilisha abantu pa Bufumu bwa ku muulu. Na kabili alebasambilisha no kupepa ukuti ishina lya kwa Lesa libe ilya mushilo, ukuti Ubufumu bwakwe bwise e lyo no kuti ukufwaya kwakwe kucitike pano isonde. Nga muli bafyashi, londolweleni umwana wenu ifyo ili ipepo lingatwafwa. Yesu talekele Satana amulenga aleka ukuba uwa cishinka kuli Lesa. Yesu alisalile abatumwa bakwe, kabili e babalilepo ukuba mu Bufumu. Moneni ifyo Yesu atemenwe ukupepa kwa cine. Apo Yesu alefwaya ukwafwa abantu, aleundapa abalwele, alepeela abali ne nsala ifya kulya, kabili alebuusha na bafwa. Ifi fyonse alecita fyalelanga ifyo Ubufumu bukacitila abantu.
MULI ICI CIPANDE
ISAMBILILO 74
Yesu Aba Mesia
Ni mwi Yohane aloseshe ilyo alandile ukuti Yesu e Mwana wa mpaanga uwa kwa Lesa?
ISAMBILILO 75
Satana Kaseebanya Aesha Yesu
Pa miku itatu Satana Kaseebanya alyeseshe Yesu. Mesho nshi yatatu Yesu akwete? Bushe Yesu acitile shani?
ISAMBILILO 76
Yesu Awamya Itempele
Mulandu nshi Yesu apangiile ica kufopwelako ica ntambo no kufumya inama mwi tempele? Cinshi awishishe amatebulo ya balekabusha indalama?
ISAMBILILO 77
Umwanakashi pa Cishima
Umwanakashi umwina Samaria apapa ifi Yesu alanda nankwe. Mulandu nshi? Finshi Yesu amweba ifyo ashabalile ebako umuntu nangu umo?
ISAMBILILO 78
Yesu Alebila Imbila ya Bufumu
Yesu aeba abasambi bamo ukuba “abalondo ba bantu.” Pa numa, asambilisha abasambi bambi 70 ifya kubila imbila nsuma.
ISAMBILILO 79
Yesu Acita Ifipesha Amano Ifingi
Konse uko Yesu aleya, abalwele baleya kuli ena pa kuti abafwe, kabili alebondapa. Alibuushishe no mukashana umunono ku bafwa.
ISAMBILILO 83
Yesu Aliisha Abantu Abengi Sana
Bushe ici icipesha amano citusambilisha finshi pali Yesu e lyo na Yehova?
ISAMBILILO 84
Yesu Aenda pa Menshi
Bushe kuti waelenganya ifyo abasambi baumfwile ilyo bamwene ici icipesha amano?
ISAMBILILO 86
Yesu Abuusha Lasaro
Ilyo Yesu amwene Maria alelila, na o alitendeke ukulila. Lelo tapakokwele balilekele ukulila kabili bali ne nsansa.
