Cino cipande cilelanda pa Amalembo ya ciGriki aya Bena Kristu. Yesu afyalilwe mu lupwa ulupiina ulwaleikala mwi tauni ilinono. Alebomba na bawishi umulimo wa bukabasa. Yesu e wali no kupususha abantu. Yehova alimusalile ukuba Imfumu ya Bufumu bwa ku muulu. Nga muli bafyashi, afweni umwana wenu ukumfwikisha ifyo Yehova asalile bwino ulupwa ne cifulo umo Yesu ali no kukulila. Sambilileni pa fyo Yehova acingilile Yesu kuli Herode uwalefwaya ukumwipaya, no mulandu kushingabela nangu cimo icingalesha ubufwayo bwa kwa Yehova ukucitika. Sambilileni ifyo Yehova apeele Yohane umulimo wa kupekanya inshila ya kwa Yesu. Landeni sana pa fyo Yesu alangile ukuti alitemenwe amano ya kwa Yehova ukutula na ku bwaice.