Mika 7:1-20
7 Cambipila, pantu ndi ngo muntu uwa kuti,Aya mu kufwaya imyangashi iya kuti alyeNelyo uuli ne cilaka ca kulya amakunyu,*Lelo tasangilepo nangu cimo, pantu balilonganika kale ifisabo fya mu lusuba,Kabili inshita ya kutolelesha imyangashi yalipita.
2 Aba cishinka baliloba pano isonde;Tapaba nangu umo uwalungama.+
Bonse balabelamina abantu pa kuti babepaye.*+
Cila muntu aba ngo mulunshi uuteya ifiteyo* pa kuti ekate munyina.
3 Balicenjela sana mu kucita ifyabipa;+Intungulushi ilepatikisha abantu ukuti baicitile fimo,Umupingushi alafwaya balemulipila pa kupingula,+Shimucindikwa aleba abantu ifyo alefwaya,*+Kabili balabombela pamo pa kuti baficite.
4 Umusuma sana pali bena aba nge myunga,Uwalungama sana pali bena alibipisha ukucila ulubao lwa myunga.
Ubushiku bwa bakalinda benu kabili ubwa kumupingulamo bukafika.+
Nomba bali no kufulunganishiwa.+
5 Mwilacetekela abanenuNelyo fye ni cibusa wa pa mutima.+
Tekwesha ukusokolwela uusendama pa cifuba cobe icintu nangu cimo.
6 Pantu umwana umwaume alasuula wishi,Umwana umwanakashi alemina nyina,+Na nafyala alemina nyinafyala;+Aba mu ng’anda ya muntu e baba abalwani bakwe.+
7 Lelo ine nakulalolela Yehova.+
Nakulalindilila* Lesa we pusukilo lyandi.+
Lesa wandi akang’umfwa.+
8 We mulwani* wandi, wisekelela pa fyabipa ifilencitikila.
Nangu ca kuti ningwa, nkema;Nangu ca kuti ndi mu mfifi, Yehova akaba e lubuuto lwandi.
9 Nkashipikisha ubukali bwa kwa Yehova—Pantu nalimubembukila+—Mpaka akandubulwileko umulandu, kabili bakampingule ukwabula ulufyengo.
Akandeta mu lubuuto,Nkalolesha pa fyalungama ifyo acita.
10 Umulwani wandi na o akamona,Kabili insoni shikekata uunjeba ati:
“Ali kwi Yehova Lesa obe?”+
Nkamulolesha.
Nomba bakamunyantaula kwati matipa mu misebo.
11 Bukaba bushiku bwa kukuula ifibumba fyobe ifya mabwe;Pali bulya bushiku icalo cobe cikakulilako.
12 Pali bulya bushiku bakesa kuli iweBakafuma ku Asiria na ku misumba ya mu Egupti,Bakafuma ku Egupti ukuyafika fye na ku Mumana;*Bakafuma kuli bemba ukuyafika kuli bemba kabili bakafuma ku lupili ukuyafika ku lupili lumbi.+
13 Kabili icalo cikashala icibolya pa mulandu wa bekalamo,Pa mulandu wa fyo bacita.*
14 Cemena abantu bobe ku nkonto yobe, impaanga isho wapyana,+Ishaleikala sheka mu mutengo, mwi bala lya fimuti fya fitwalo.
Leka shilelya mu Bashani na mu Gileadi+ nga fintu shalelya kale.
15 “Nkamulanga ifipesha amano,+Nga filya namulangile ilyo mwalefuma mu calo ca Egupti.
16 Aba mu nko bakafimona kabili bakekatwa insoni, nangu ca kuti balikwata amaka.+
Bakekata utunwa twabo;Amatwi yabo yakakoma.
17 Bakamyanga ulukungu nge nsoka;+Bakafuma mu fyubo fyabo ninshi baletutuma nga filya ifikulika pe sonde ficita.
Bakesa kuli Yehova Lesa wesu ninshi baletutuma,Kabili bakamutiina.”+
18 Ni Lesa nshi uwaba nga imwe,Uusuula ku filubo kabili uwelela imembu+ sha bashalapo pa bupyani bwakwe?+
Takatwalilile ukukalipa,Pantu alafwaya sana ukulanga ukutemwa ukushipwa.+
19 Akatubelela uluse na kabili;+ akafumyapo* ifilubo fyesu.
Mukapoosa imembu shesu shonse muli bemba ica kuti shikafika na panshi.+
20 Mukalanga Yakobo ukuti muli ba cishinka,Abrahamu mukamulanga ukutemwa ukushipwa,Nga fintu mwalaile ifikolwe fyesu kale.+
Amafutunoti
^ Nelyo “uo umweo wakwe ulefwaya ukulya amakunyu.”
^ Mu ciHebere, “basuumye umulopa.”
^ Mu ciHebere, “imikwau.”
^ Nelyo “ifyo umweo wakwe ulefwaya.”
^ Nelyo “Nkaba uwatekanya ilyo nakulalolela.”
^ Mu ciHebere pe shiwi lya kuti “umulwani” paba ishiwi ililanga ukuti, uyu mulwani mwanakashi.
^ E kutila, umumana wa Yufrate.
^ Mu ciHebere, “Pa mulandu ne fisabo fya micitile yabo.”
^ Nelyo “akanyantaula.”
