Mika 6:1-16
6 Shi umfweni ifyo Yehova alelanda.
Imeni, twaleni umulandu wenu ku mpili,Kabili lekeni utupili tumfwe ishiwi lyenu.+
2 Mwe mpili, umfweni umulandu wa kwa Yehova,Mwe mifula ye sonde iyakosa,+Pantu Yehova ali no mulandu wa kulubulula na bantu bakwe;Abena Israele e bo akalubulula nabo:+
3 “Mwe bantu bandi, cinshi namulufyanya?
Cinshi namucita icalenga mukwate amafya?+
Aleni nshinineni.
4 Nalimufumishe mu calo ca Egupti,+Nalimulubwile mu ng’anda ya busha;+Nalimutumiine Mose, Aarone na Miriamu.+
5 Mwe bantu bandi, shi ibukisheni ifyo Balaki imfumu ya bena Moabu alefwaya ukucita,+Ne fyo Balaamu umwana wa kwa Beore amwaswike+—Ifyacitike ukufuma ku Shitimu+ ukufika ku Gilgali+—Pa kuti mwishibe ukuti Yehova alacita ifisuma.”
6 Cinshi ndeya na co kuli Yehova?
Cinshi nalaya na co mu kukontamina Lesa wa mu muulu?
Bushe nalaya ne mituulo ya koca?Bushe nalaya no twana twa ng’ombe utwa mwaka umo?+
7 Bushe Yehova kuti atemwa nga namupeela amakana ya mpaanga ishilume,Na mafuta ayengi nga nshi?+
Bushe nkamupeela umwana wandi ibeli pa filubo nacita?Bushe nalatuula umwana wandi* pa membu shandi?*+
8 Mwe bantu, alimweba ifisuma.
Finshi Yehova afwaya mulecita?
Afwaya fye muleba no mulinganya,+ mulefwaisha ukuba aba cishinka,*+Kabili mule-enda bufuuke bufuuke+ na Lesa wenu!+
9 Yehova abilikisha mu musumba;Abantu abakwata amano bakatiina ishina lyakwe.*
Bikeni amano ku ukamukanda na ku fyo akamukanda.*+
10 Bushe mu ng’anda ya bacita ifyabipa mucili ifyuma ifyo banonka mu kucita ifyabipaKabili bushe bacili balabomfya itepe* lya bufi ilyo Lesa apata?
11 Bushe kuti naba ne mibele iisuma* nga ca kuti momfya amasekelo ya bufi,Nga ca kuti mu cola candi nsendelamo amabwe ya kupiminako aya bufi?+
12 Pantu abakankaala babo balacita sana ubunkalwe,Na bekalamo balabepa;+Ba bufi.*+
13 “E ico, nkamukanda icine cine,+Nkalenga icalo cenu cikashale icibolya pa mulandu wa membu shenu.
14 Mukalalya, lelo tamwakaleikuta;Mu nda shenu tamwakaleba nangu kamo.+
Ifyo mukalafumya pa kuti mufisungile ukusuma, mukafilwa ukufitwala ukwa kufisungila,Kabili ifyo mukakumanisha ukusenda, nkalenga abalwani benu bakafyonaule.
15 Mukalatanda imbuto, lelo tamwakalesombola nangu cimo.
Mukalanyantaula imiolife, lelo tamwakalekwata amafuta;Mukalapanga umwangashi uupya, lelo tamwakalekwata umwangashi wa kunwa.+
16 Pantu mukonka amafunde ya kwa Omri ne fyo aba mu ng’anda ya kwa Ahabu bacita,+Kabili mukonka amano ayo bamupanda.
E co nkalengela abantu bakalemupapaNkalenga abekashi bakwe bakalelisha iminsoli pali imwe;+Kabili inko shikalamutumfya.”+
Amafutunoti
^ Mu ciHebere, “icisabo ca mu mubili wandi.”
^ Nelyo “pa membu sha mweo wandi?”
^ Nelyo “muleba ne cikuuku no kutemwa ukushipwa.”
^ Mu ciHebere, “ishina lyenu.”
^ Mu ciHebere, “ku nkoto yakwe.”
^ Moneni Ifyebo Fyalundwako pa B14.
^ Nelyo “uwa kaele.”
^ Mu ciHebere, “ululimi lwabo lwa bufi.”
