Mika 4:1-13
4 Mu nshiku sha ku mpela,*Ulupili apaba ing’anda ya kwa Yehova+Lukapampamikwa pa muulu wa mpili,Kabili bakalwimya ukucila utupili,Kabili abantu na bantu bakalayako nga filya amenshi yakonkoloka mu kamana.+
2 Kabili inko ishingi shikayako no kutila:
“Iseni, tunine tuye ku lupili lwa kwa YehovaNa ku ng’anda ya kwa Lesa wa kwa Yakobo.+
Akatusambilisha inshila shakwe,Kabili tukalaenda mu nshila shakwe.”
Pantu amafunde* yakafuma mu Sione,Na mashiwi ya kwa Yehova yakafuma mu Yerusalemu.
3 Akapingula inko+Kabili akalungika imilandu ya nko sha maka isha kutali.
Bakafula impanga shabo shikabe amaplaoKabili bakafula amafumo yabo yakabe ifya kutungwilako ifimuti.+
Takwakabe uluko ulukemya ulupanga pa kuti lulwishe uluko lunankwe,Kabili takwakabe uluko ulukasambilila ifya kulwa inkondo na kabili.+
4 Cila muntu akekala mwi samba lya mwangashi wakwe, na mwi samba lya mukunyu wakwe,+Takwakabe nangu umo uukalabatiinya,+Pantu Yehova Lesa wa mabumba umwine nalanda.
5 Pantu abantu ba mu nko shonse, bakalaendela cila muntu mwi shina lya kwa lesa wakwe,Lelo ifwe twakulaendela mwi shina lya kwa Yehova Lesa wesu+ umuyayaya umuyayaya.
6 Yehova atila, “Muli bulya bushiku,Nkalonganya abalesunta,Nkalonganya na bantu abo nasalangenye,+Pamo na bo nacushishe.
7 Nkalenga abalesunta bekaloba,+Kabili nkalenga abali ukutali bakabe uluko lwa maka;+Kabili Yehova e ukaba imfumu yabo mu Lupili lwa Sione,Ukufuma nomba ukuya umuyayaya.
8 Lelo iwe we lupungu lwa mpaanga,We lupili lwa mwana mwanakashi Sione,+Ubufumu bwa kubalilapo* bukesa kuli iwe,+E kutila ubufumu bwa mwana mwanakashi wa kwa Yerusalemu.+
9 Nomba cinshi ulepundila?
Bushe tawakwata imfumu,Nelyo bushe impanda mano yobe yalifwa,Pa kuti ulekalipwa nge fyo umwanakashi uulepaapa akalipwa?+
10 We mwana mwanakashi Sione, shikitika no kulilishika,Kwati mwanakashi uulepaapa,Pantu nomba uli no kufuma mu musumba, ukayeikala mu mpanga.
Ukayafika fye na ku Babiloni,+Kabili kulya kwine e ko nkakupusushisha;+Kulya kwine e ko Yehova akakulubula ku balwani bobe.+
11 Nomba inko ishingi shikalongana pa kuti shikakulwishe;Shikalanda ashiti, ‘Lekeni abe uwakowela,Kabili Lekeni tumone ifyo Sione akaba uwakowela.’
12 Lelo ishi inko tashaishiba ifyo Yehova atontonkanya,Tashaishiba ifyo afwaya ukucita;Pantu akashilonganya ngo mwanshi* wa ngano isho bafuma mu kusombola uo baletwala apo bapumina ingano.
13 We mwana mwanakashi Sione,+ ima no kupuma ingano;Pantu nkaalula insengo shobe shikabe icela,Nkaalula na mabondo yobe yakabe umukuba,Ukashonaula inko ishingi,+
Kabili ifyo shanonka mu bucenjeshi ukapeela Yehova,Na fyonse ifyo bakwata ukapeela Shikulu wa cine uwe sonde lyonse.”+
