Mika 3:1-12

  • Lesa akalipila intungulushi na bakasesema (1-12)

    • Umupashi wa kwa Yehova walenga Mika aba na maka (8)

    • Bashimapepo balalipilisha abo basambilisha (11)

    • Yerusalemu ikaba imiina ya fitantaala (12)

3  Nalandile nati: “Umfweni, mwe ntungulushi sha kwa YakoboNa imwe mwe bakalamba ba bashilika ba mu ng’anda ya kwa Israele.+ Bushe tamufwile ukwishiba umwalola umulinganya?  2  Nomba mwalipata ifisuma,+ lelo mwatemwa ifyabipa;+Mulafunda inkanda ya bantu bandi, kabili mulafumya iminofu ku mafupa yabo.+  3  Mulalya no munofu wa bantu bandi+Kabili mulafunda inkanda yabo,Mulatobaula amafupa yabo, ica kuti yashala fye tupimfya tupimfya,+Kwati mafupa ne nama ifyo baleipika mu mpoto.*  4  Pali ilya nshita bakalilila kuli Yehova pa kuti abafwe,Lelo takabaasuke. Pali ilya nshita akabafutatila,+Pa mulandu ne fyabipa ifyo bacita.+  5  Ifi e fyo Yehova alanda pali bakasesema abalufya abantu bandi,+Ababilisha ukuti kuli ‘Umutende’+ nga ca kuti nabakwata ifyo balelya*+Lelo nga ca kuti umo akaana ukubapeela ifya kuti balye, balamwimisha inkondo:  6  ‘Mukaba mu mfifi kwati bushiku;+ kabili tamwakamone ifimonwa;+Mukaba fye mu mfifi kabili tamwakalebuka imbuko. Akasuba kakawila bakasesema,Kabili inshita ya kasuba ikafiita nge nshita ya bushiku.+  7  Abamona ifimonwa bakalengwa insoni,+Kabili ifyo ababuka imbuko benekela tafyakacitike. Bonse bakafimba pa mwefu wa pa muulu,*Pantu Lesa takabaasuke.’”  8  Lelo ine umupashi wa kwa Yehova naunenga ukuba na maka,Kabili naunenga ukuba no mulinganya e lyo no kushipa,Pa kuti njebe Yakobo pa kupondoka kwakwe na Israele pa lubembu lwakwe.  9  Umfweni ici, mwe ntungulushi sha mu ng’anda ya kwa YakoboNa imwe mwe bakalamba ba bashilika ba mu ng’anda ya kwa Israele,+Mwe bapata umulinganya kabili mwe bafulunganya fyonse ifyalungama,+ 10  Mwe basuumya umulopa pa kuti mukuule Sione, kabili mwe bacita ifishalungama pa kuti mukuule Yerusalemu.+ 11  Intungulushi shakwe shilapoka amafisakanwa pa kupingula,+Bashimapepo bakwe balalipilisha abo basambilisha,+Kabili bakasesema bakwe balalipilisha indalama* ilyo balebuka imbuko.+ Lelo bashintilila pali Yehova,* kabili batila: “Bushe Yehova taba na ifwe?+ Tatwakakwate amacushi nangu yamo.”+ 12  E ico pa mulandu wenu,Mu Sione bakalimaulamo kwati ni mwi bala,Yerusalemu ikashala imiina ya fitantaala,+Kabili ulupili lwa ng’anda* lukaba nge fifulo fya kupepelapo ifya mu mutengo.*+

Amafutunoti

^ Nelyo “mu mpoto iikalamba.”
^ Nelyo kuti yapilibula no kuti, “nga nabakwata ifya kusheta.”
^ Nelyo “bakekata pa tunwa.”
^ Nelyo “baitunga ukuti bashintilila pali Yehova.”
^ Nelyo “silfere.”
^ Nelyo “ulupili lwe tempele.”
^ Nelyo “ulubao lwa fimuti.”

Copyrights for this publication