‘Tabalelwa na Ifwe’

TINIKENI

‘Tabalelwa na Ifwe’

Pa 16 September mu 2025, icilye ca Khabezskiy District Court ica mu Karachayevo-Circassian Republic calipingula ukuti nkashi Yuliya Pasynkova balamukakila kunse ya cifungo pa imyaka 5. Pali ino nshita tabamubike mu cifungo.

Ifyebo Pali Nkashi

Ba Yuliya Pasynkova

Bafyelwe mu: 1990 (mu musumba wa Abdulino, mu Citungu ca Orenburg)

Babatishiwe mu: 2009

Ifishinka fimo pali uyu nkashi: baupilwe kuli ba Aleksey mu 2013. Bakwata umwana umo umwaume. Ba Aleksey babasangile no mulandu mu January mu 2025. Banyina baba Aleksey, bankashi Tatyana Pasynkova, bacili balabalubulwisha pa mulandu umbi

Umulandu babapeela: Ukulongana ne Nte sha kwa Yehova

Ifyo babapingula: Babakakila kunse ya cifungo pa myaka 5

Ifyo Balandile

Lyashi lya kwa nani uo Baibo yalandapo ilimukoselesha sana

Ilingi line ndatontonkanya pa mashiwi Yehova aebele Yeremia ayaba pali Yeremia 1:8 apatila: “Taufwile ukubatiina pa mulandu ne fyo bamoneka, Pantu ‘ndi na iwe, nkakupususha,’ e fyo Yehova alanda.” Ilyashi lwa kwa Yeremia lilanjibukisha ukuti bonse fye kuti twaumfwa umwenso nga ca kuti baletucusha. Ilyo Yeremia aumfwile umwenso, alipepele kuli Yehova no mutima onse kabili alimulondolwele fyonse ifyo aleumfwa. Yehova alyaswike ipepo lyakwe kabili alimupeele amaka no kumwafwa ukuba uwashipa. Nga natontonkanya pali Yeremia, ndashipikisha nangu ca kuti ndi no mwenso. Nga filya cali ku balecusha Yeremia, abacusha ababomfi ba kwa Yehova muno nshiku te ifwe balwisha, lelo balwisha Lesa. Ifi naishiba ukuti Yehova eulenga twaba abashipa, fyalilenga nilaba no mwenso.

Shi lyonse ilyo twaumfwa umwenso natuleibukisha ukuti Yehova alikwata amaka ya kutupususha.—2 Imilandu 20:12.

ILYASHI