Ndɛ akpasua nga kan Famiɛn Saili nin Famiɛn Davidi be ndɛ. Afuɛ ablaɔcuɛ (80) nun ndɛ yɛ ndɛ akpasua sɔ’n kan-ɔn. I bo bolɛ nun’n, Saili ti wun ase kanfuɛ, yɛ i ɲin yi Ɲanmiɛn. Sanngɛ ɔ wa kacili. W’a nantiman Zoova i atin’n su kun. Zoova wa yili i sa i su. Kpɛkun ɔ seli Samiɛli kɛ ɔ ko gua Davidi i ti su ngo naan ɔ yo Izraɛli famiɛn. Saili i ɲin cili Davidi, yɛ ɔ kunndɛli kɛ ɔ́ kún i. Sanngɛ Davidi w’a tumɛn i klunngbɔ le. Saili i wa Zonatan si kɛ Zoova fali Davidi kɛ ɔ yo famiɛn. Ɔ maan ɔ jrannin Davidi sin. Davidi yoli sa tɛ wie mun. Sanngɛ kɛ Zoova tuli i fɔ’n, ɔ sɔli nun klanman. Sɛ a le ba’n, ukɛ i naan ɔ wun i wlɛ kɛ ɔ ti cinnjin kɛ e fa atin nga Ɲanmiɛn kle e’n su titi.