Zezi bali asiɛ’n su wa naan ɔ́ fɛ́ i nguan’n mán naan klɔ sran mɔ fɔ o be nun’n be ɲan be ti. Kannzɛ bɔbɔ ɔ wuli’n, sanngɛ ɔ kwlali mɛn’n. Zoova w’a yaciman Zezi le, ɔ yoli maan ɔ sɛli i sin nguan nun ekun. Lele mɔ Zezi fá wú’n, ɔ tuli i klun ukali sran mun, kpɛkun ɔ yacili be sa tɛ mun cɛli be. Kɛ Ɲanmiɛn cɛnnin Zezi’n, ɔ yili i wun nglo kleli i sɔnnzɔnfuɛ mun. Ɔ kleli be wafa nga be kwla di junman cinnjin ng’ɔ fa wlali be sa nun’n. Sɛ a le ba’n, ukɛ i naan ɔ wun i wlɛ kɛ e kusu e di junman cinnjin sɔ’n wie andɛ.