Akpasua 14 i su fitilɛ
Klisifuɛ klikli’m be boli Ɲanmiɛn Sielɛ’n i jasin fɛ’n lele be juli asiɛ’n i lika mmuammua’m be nun. Zezi kleli be lika ng’ɔ fata kɛ be bo jasin’n. Yɛ ɔ yoli maan be kwla kannin ndɛ’n kleli sran mun be klɔ aniɛn’m be nun. Zoova mannin be wunmiɛn naan b’a kwla jran kekle.
Zezi fali Zoova i aɲrunɲan’n kleli Zan aolia nun. Asa ekun’n, Zan wunnin kɛ Ɲanmiɛn i Famiɛn diwlɛ m’ɔ o ɲanmiɛn su lɔ’n, ɔ kwlali Satan. Ɔ maan Satan su ɲanman kwlalɛ kun mlɔnmlɔn. Zan wunnin kɛ Zezi w’a kaci Famiɛn, yɛ sran akpiakpi ya sran akpiakpi ablanan- nin-nnan (144.000) m’ɔ nin be yɛ be di famiɛn’n, be o i wun lɛ. Zan wunnin kɛ asiɛ’n w’a kaci lika klanman. Sran’m be kwlaa be su Zoova, be di alaje, yɛ be bo ti kun.
AKPASUA NGA NUN'N
LIKE SUANLƐ 94
Ɲanmiɛn wawɛ’n jrali Zezi i sɔnnzɔnfuɛ’m be su
?Ngue yɛ Ɲanmiɛn wawɛ’n ti’n be kwla yoli-ɔ?
LIKE SANLƐ 95
Like fi kwlá jranman be
Zifu kpɛnngbɛn mɔ be kunnin Zezi’n, be waan bé yó naan i sɔnnzɔnfuɛ’m be yaci i ndɛ kanlɛ. Sanngɛ ɔ yoman ye.
LIKE SUANLƐ 96
Zezi fali Sɔlu yoli i sɔnnzɔnfuɛ
Laa’n Sɔlu kleli Klisifuɛ’m be yalɛ kpa. Sanngɛ ɔ wa kacili.
LIKE SUANLƐ 97
Ɲanmiɛn fɛli i wawɛ’n mannin Kɔɔnɛyi
?Ngue ti yɛ Ɲanmiɛn seli Piɛli kɛ ɔ wɔ sran sɔ m’ɔ timan Zifu’n i awlo lɔ-ɔ?
LIKE SUANLƐ 98
Zezi i ndɛ’n truli nvle kpanngban nun
Akoto Pɔlu nin aniaan wie’m be boli jasin fɛ’n lika mmuammua’m be nun.
LIKE SUANLƐ 99
Bisua sunianfuɛ kun tili ndɛ nanwlɛ’n
?Abonuan sa benin mun yɛ be juli-ɔ? ?Wafa sɛ yɛ i sɔ’n yoli sran kun ye-ɔ?
LIKE SUANLƐ 101
Be fali Pɔlu ɔli Rɔmun
Sa kekle kpanngban juli atin’n su, sanngɛ akoto’m be jrannin kekle.
LIKE SUANLƐ 102
Sa nga Zezi yili i nglo kleli Zan’n
Zezi fali sa nga bé wá jú’n kleli Zan aolia nun.
LIKE SUANLƐ 103
“Maan ɔ Sielɛ’n i blɛ’n ju”
Ninnge nga Zoova fa kleli Zan aolia nun’n, ɔ kle kɛ Zoova wá yó maan asiɛ’n wá káci.
