FEWLA jueve pun mew, dew (chayno) rupay epu antü. Jesu ka tañi mari epu apostol engün küpayngün tüfachi fütra wenulechi katrüntüku ruka mew ñi imeael Paskua ñi pun iyael. Ka feychi wentru tripalelu Juda Iskariote pingey. Amuy ñi feypiafiel tati pu saserdote chumngechi tañi nüafiel ta Jesu.

Wiya, Juda pemefi ka ramtufi engün: ‘¿Chem elumuafun kelluwliyiñ tamün nüafiel ta Jesu?’ Feypingey: ‘Küla mari plata moneda.’ Fewla Juda amuy ñi trawüluwal fey engün ñi yeafiel chew ñi mülen ta Jesu. ¡Kiñe rume weda dungu femi! ¿Feyngelay am chi?

Paskua ñi pun iyael (yagel) afi. Welu fewla Jesu llituy (femi) kangelu falin-ngechi (manelfalchi) pun iyael. Elufi ñi pu apostol kiñe triran (wüdkan) kofke ka feypifi: ‘Ifimün, tüfa iñche tañi kuerpu reke ñi wülafiel kom eymün mu.’ Fey mew, nüy kiñe kopa pulku, ka feypifi: ‘Pütufimün (pütokofimün), tüfa iñche tañi mollfüñ reke, tüfa ta wütrulael eymün tamün fürenen-ngeael.’ Ti Biblia üytufi ‘Ñidol (Jesu) tañi pun iyael.’

Tati pu Israel che ikeyngün tati Paskua iyael ñi tukulpayafiel Ngünechen ñi werken püllü ‘wallkünuy (rupay)’ Israel ñi ruka Egipto mu, welu langümfi ti wünen fotüm choyüngelu (lleglu) tati pu Egipto che ñi ruka mu engün. Welu fewla Jesu ayüy (küpa) tañi pu inanieetew ñi tukulpangeal kidu, ka chumngechi wüli ñi mongen fey engün mu. Feymu lle amuley tüfachi pun iyael fill tripantu mu.

Dew rupan ilu engün Jesu ñi Pun Iyael, Jesu feypifi tañi pu apostol ñi llükanoal ka fütra piwkengeal, ka tañi mupiltun newen-ngeay. Af mew üllkantufingün ta Ngünechen, ka tripayngün. Alü puni, doy rangi punpelay. ¿Chew amuayngün?