Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

2 TROKIÑ

Ti Fütra Mangiñ Ko, ka ñi neykümmangeal Egipto mu

Ti Fütra Mangiñ Ko, ka ñi neykümmangeal Egipto mu

Pura che müten montuyngün ti Fütra Mangiñ Ko, welu mülen antü, mülerkefuyngün fentren warangka che. Feymew, 352 tripantu mu dew rupalu ti Fütra Mangiñ Ko, choyürkey (llegi) Abraam. Kimayiñ chumngechi Ngünechen “rüf femaeyu” ñi pikefiel Abraam, rüf elufi kiñe fotüm, Isaak pingey. Feymu Isaak niey epu fotüm, welu Ngünechen dullifi Jakob.

Jakob nierkefuy kiñe fütra reñma mari epu fotüm, ka kiñeke ñawe. Jakob ñi mari fotüm, üdefingün ñi doy wechengechi peñi, Jose pingey, ka ngillan-ngey ñi ngillan-ngechi che ngeal Egipto mu. Alün wüla mu, Jose ngerkefuy kiñe doy falin-ngechi longkolelu Egipto mu. Akulu kiñe weda filla, Jose kintukaduamkefi tañi pu peñi, ñi malüñmafiel ñi piwke ka rakiduam engün. Af mew, Jakob ka kom ñi pu reñma, pu Israel che, amurkeyngün Egipto. Tüfa ruparkefuy 290 tripantu dew choyüngelu Abraam.

Fey wüla, pu Israel che mülerkepuyngün 215 tripantu Egipto mu. Dew larkelu Jose, ngillan-ngechi che ngerkeyngün üye mew. Mülen antü mu choyürkey Moyse, ka Ngünechen pünekefi ñi montulafiel pu Israel che Egipto mu. Kom tüfachi EPU TROKIÑ mu, ruparkey 857 tripantu.

 

TÜFACHI TROKIÑ MU

NÜTRAM 11

Ti wünen relmu

Eymi pefiel mu kiñe relmu, ¿chem müley tami tukulpayal?

NÜTRAM 12

Tati pu che dewmayngün ti fütra alüpürachi ruka

Chaw Ngünechen ayülafi tüfachi fütra alüpürachi ruka, ka ñi kastigafiel mu petu koneltuley itrokom che fachantü.

NÜTRAM 13

Abraam... weniyefi ta Ngünechen

¿Chumngelu Abraam elkünuy tañi tutengechi ruka ñi mületual tolto ruka mu tunte puwle ñi mongen?

NÜTRAM 14

Abraam ñi mupiltun pewfaluwi

¿Chumngelu Ngünechen feypifi ta Abraam ñi wülal tañi fotüm Isaak kiñe chalintukun reke?

NÜTRAM 15

Lot ñi domo wiñokinturkey

Tañi femün ti domo, kimeltuaeiñmu kiñe falin-ngechi dungu.

NÜTRAM 16

Kiñe müna küme domo ñi nieal Isaak

¿Chumngelu Rebeka kiñe küme domo ngey ñi fütangeal? ¿Tañi küme adngen mu, kam ka dungu mu?

NÜTRAM 17

Epu choyün peñi kake rumeyngu

Tañi chaw, Isaak, doy ayükefi Esaw, welu tañi ñuke, Rebeka, doy piwkeyefi Jakob.

NÜTRAM 18

Jakob amuy Aran mapu mew

Jakob wüne niefi ta Lea, welu rüf piwkeyefi Rakel.

NÜTRAM 19

Jakob ñi fütra reñma

¿Kom tati Israel ñi 12 trokiñ reñma üytungekey chumngechi üytungekefuy Jakob ñi 12 fotüm?

NÜTRAM 20

Dina koni weda dungu mu

Kom tüfachi weda dungu tuwi ñi wenikafiel wedake che.

NÜTRAM 21

Jose ñi pu peñi üdeeyew

¿Chem dungu mew am kiñeke ayüyngün ñi langümafiel tañi peñi?

NÜTRAM 22

Jose tukungey karsel mu

Yengey karsel mu, ñi inanofiel mu tati ley dungu no, welu may küme femlu am.

NÜTRAM 23

Faraon ñi pu pewma

Ti regle waka ka ti regle longko kachilla nüwküleyngün.

NÜTRAM 24

Jose pengeli chumngen tañi pu peñi

Fendengelu ñi ngillan konangeal, fewla ¿chumngechi Jose kimi tañi pu peñi ñi rüf wiñorakiduamtun engün?

NÜTRAM 25

Ti reñma wiñamtuwi engün Egipto mu

¿Chumngelu Jakob ñi pu che ‘israelche’ pingerkeyngün, welu ‘Jakob che’ pingerkelayngün?

NÜTRAM 26

Job turpu püntüwlay Ngünechen mew

Job müntuñmangey tañi nieel, tañi küme felen, ka tañi pu yall. ¿Femngechi kastigaeyew Ngünechen?

NÜTRAM 27

Kiñe weda wentru ngünenielu Egipto mu

¿Chumngelu werküfi tañi pu che ñi langümafiel itrokom pu israelche ñi pichi wentru?

NÜTRAM 28

Montuy ti pichiche Moyse

Tañi ñuke kiñe püle künuy ti feypikünuelchi ley feypilu kom pu israelche ñi pichi wentru püñeñ müley ñi langümngeal.

NÜTRAM 29

Chumngelu lefmawi Moyse

Moyse rakiduamkefuy ñi pepi kelluafiel tati pu israelche ñi ngillan kona ngenoal, nielu 40 tripantu, welu pepi femlay.

NÜTRAM 30

Kiñe pichi anümka af lüflay

Fentren amatufalchi dungu mu, Ngünechen feypifi ta Moyse ta puwi chi antü ñi longkoleal pu israelche ka ñi nentupuafiel Egipto mapu mu.

NÜTRAM 31

Moyse ka Aaron amuyngu ñi pemeafiel Faraon

¿Chumngelu Faraon allkütulay ñi feypietew Moyse ñi amutual pu israelche?

NÜTRAM 32

Tati mari fütra wedake dungu

Ngünechen küpali 10 fütra wedake dungu Egipto mu, tati ngünenielu Egipto am pilay ñi tripayal pu israelche.

NÜTRAM 33

Petu rumey nome Kelü Lafken mew

Moyse wüdamfi ti Kelü Lafken Ngünechen ñi newen mu ka pu israelche angken mapu mew nomeyngün.