Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

 NÜTRAM 87

Tati pichi wentru Jesu müley ti ngillatuwe ruka mew

Tati pichi wentru Jesu müley ti ngillatuwe ruka mew

ADKINTUFINGE ti pichi wentru (püchü kampu) dungumekey tati pu tremke wentru engün. Kidu engün pu kimeltuchefe ngeyngün Ngünechen ñi ngillatuwe ruka mu mülelu Jerusalen waria mew. Ka feyti pichi wentru Jesu tati. Fentren tremi. Fewla niey mari epu tripantu.

Tati pu kimeltuchefe doy afmatuleyngün Jesu tañi fentren kimün nien Ngünechen mu, ka puke dungu wirintükulelu Biblia mu. Welu, ¿chumngelu (chemu) mülelay Jose ka Maria tüfa mu? ¿Chew müley engu? Peafiyiñ.

Fill tripantu Jose küpalkey tañi pu reñma (pu che) Jerusalen waria mu ñi müleal engün tati doy falin trawün (ilelkawün) mu Paskua pingelu. Nasaret puwal Jerusalen mu rume kamapuley. Iney rume niekelay autu, ka mülekelay tren rume. Ngekelay feychi antü mu. Epe kom che namüntu amukeyngün müten, ka küla antü mew pe no wüla puwkeyngün Jerusalen.

Fewla Jose niey kiñe fütra reñma. Fey mew müley ñi ngüneytunieafiel Jesu ñi inanke peñi ka lamngen. Welu may, tüfachi tripantu Jose ka Maria wiñoley tañi pu yall engün Nasaret mu. Rakiduamkülerkeyngu Jesu ñi küpaletun rangi ti pu che mew. Welu witrarpulu engün afchi antü mu, pewetulafingu. ¡Kintufi engu rangi tañi pu reñma ka tañi pu weni mu, welu ngelay! Feymu ka wiñotuy engu ta Jerusalen ñi kintuafiel fey mu.

Afchi petufi engu tüfa mu. Allkütumekefi tati pu kimeltuchefe ka ramtukamekefi. Kom pu che afmatuyngün ñi kimün mu. Welu Maria feypieyew: ‘Püñeñ, ¿chumngelu (chemu) femmuyu tüfa? Tami chaw ka iñche rume pellkeyu ka kintuyawüluwpeyiñ rume kutrantupiwken mew.’

Llowdunguy Jesu, ‘¿chumngelu kintumupen?’. ‘¿Kimlaymu anta ñi müleael iñche tañi Chaw ñi ruka mew?’

May, Jesu ayüy ñi müleal chew ñi pepi kimal Ngünechen mu. Iñchiñ ka femngechi müleyiñ taiñ femngeal, ¿felelay? Üye Nasaret mu, fill semana Jesu amukefuy ñi püramyeafiel tati trawün mu. Kidu rumel am allkütukefuy, fey mew rume kimfi Biblia dungu. Inayentuafiyiñ Jesu ñi femün.