Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

 NÜTRAM 55

Kiñe pichi wentru poyefi Ngünechen

Kiñe pichi wentru poyefi Ngünechen

¡MÜNA küme ad niey tüfachi pichi wentru! ¿mupin pemay? Samuel pingey. Ka feychi wentru elkünuy ñi kuwü wente Samuel ñi longko mew, fey ta longko saserdote Israel mu, Eli pingey. Küpalfilu ti pichi wentru ta Eli mu, Samuel ñi pu chaw Elkana ka Ana pingeyngu.

Samuel niey meli, kam kechu tripantu chi müten. Welu müleay Jewba ñi tolto ruka mew, Eli engu ka kakelu pu saserdote engün. ¿Chumngelu (chemu) am chi Elkana ka Ana küpali ñi pichi wentru Samuel ñi serfimekeafiel Jewba ti tolto ruka mew? Peafiyiñ.

Pichin tripantu, petu ñi rupanon tüfa, Ana müna weñangkülefuy. Felefuy tüfa, pepi ñi nienon kiñe püñeñ, ka rume ayüniey ñi nieal kiñe püñeñ. Fey mew kiñe antü witrankontumepelu Jewba ñi tolto ruka, ngillatufi: ‘¡Awem, Jewba, ngoymakeeli iñche! Eymi eluaeli kiñe wentru püñeñ (koñi), rüf feypikünuayu iñche eluayu, fey ñi serfiaetew kom ñi mongen mu.’

Jewba allkütuñmafi Ana ñi llellipun, ka rupay ti küyen choyüngey Samuel. Ana rume piwkeyefi tañi püñeñ, ka ellaka mu kimeltufi Jewba mew petu doy pichingelu. Feypifi ñi füta (afkadi): ‘Samuel niele doy tripantu, ka duamwenole iñche ñi dapiafiel (ngüneduamafiel), müchay müten yeafiñ ti fütra tolto ruka mew ñi serfimekepuafiel Jewba.’

Tüfa adentun mu, peiñ Ana ka Elkana ñi femün engu. Samuel müna ayüwküley ñi serfiafiel Jewba, tüfa mew Kidu ñi tolto ruka mew, ka ñi chaw ka ñi ñuke küme kimeltuelumu am Samuel. Fill tripantu ñi chaw ka ñi ñuke amukeyngu ñi poyeafiel tüfachi sakin tolto ruka mew, ka pemeafiel tañi yall. Ka fill tripantu, Ana küpalelkefi kiñe we takün nienolu kuwül, dewmalelkefi Samuel.

Rupay tripantu, ka Samuel petu serfimekey Jewba ñi fütra tolto ruka mew, ayüniefi ta Jewba ka pu che. Welu ti longko saserdote Eli ñi epu fotüm, Ofni ka Finea pingeyngu, weda che ngerkeyngu. Fey engu fentren wedalkamekeyngu, kafey femi engu kake che ñi feyentukelayafiel (müngeltukelayafiel) Ngünechen engün. Eli mülefuy ñi nentuafiel ñi saserdote ngen engu, welu femlay.

Welu kom tüfachi wedake dungu rupamekey fütra tolto ruka mew, feychi weche wentru Samuel elkünulay ñi poyekeafiel Jewba. Welu alüñma rupay Jewba dungukelafi chem wentru no rume, pichin che am ñi rüf piwkeyeetew. Doy pichi tremlu Samuel, tüfa rupay.

Samuel umawkülelu fütra tolto ruka mew, nepeleyew kiñe dungun. Kidu llowdunguy: ‘Faw mülen.’ Feymu witray, ka lef amuy chew ñi mülen Eli, ka feypifi: ‘Mütrümen, feymu lle faw mülepan.’

Welu Eli wiñoldungueyew: ‘Iñche mütrümpelaeyu, wiño kudutunge.’ Feymu Samuel wiño kudutuy.

Feymu ka wiño mütrümngey: ‘¡Samuel!’ feymu Samuel witratuy ka wiño amuy Eli mew. ‘Mütrümen, feymu lle faw mülepan,’ pi. Welu Eli wiñoldungueyew: ‘Iñche mütrümpelaeyu, fotüm. Wiño kudutunge.’ Feymu Samuel wiño kudutuy.

‘¡Samuel!’ külachi mütrümeyew tati dungun. Fey mu Samuel lef amuy Eli mew. ‘Faw mülepan; fewla may müley tami mütrümfiel,’ pi. Fewla Eli dew kimi Jewba ñi mütrümetew. Feymu feypifi ta Samuel: ‘Ka kudutunge, ka mütrümelmu, müley tami feypial: “Dungunge Jewba, tami kona am allkütuley.”’

Ka mütrümlu Jewba, femngechi feypi Samuel. Fey mew Jewba feypifi ta Samuel, tañi kastigayafiel Eli ka ñi epu fotüm. Fey wüla rupachi antü, Ofni ka Finea kewapelu pu filisteo engün layngu, ka allkülu Eli ñi rupan feychi dungu, trananagi, chafküy ñi pel, feymu lay. Femngechi leg tripay Jewba ñi piel.

Samuel tremi, ka Israel ñi inalechi kues ngerpuy. Füchalu Samuel, ti pu che feypieyew: ‘Dullinge (ngümintunge) kiñe rey taiñ ngünenieaetew.’ Samuel pilay, Jewba am ñi rüf rey engün. Welu Jewba feypieyew: ‘Allkütufinge ta pu che.’