Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

 NÜTRAM 8

Fütrake wentru mülekefulu mapu mew

Fütrake wentru mülekefulu mapu mew

¿CHEM piafuymi eymi? Kiñe wentru doy alüpüralelu, tronküle ñi longko tami ruka mew, küpafule chew eymi tami mülen mu, ¿chem rakiduamafuymi? ¡Kiñe fütra wentru ngerkefuy! Kuyfi mu rüfkünu, mülekefuy femngechi che Mapu mu. Ti Biblia pengeli ñi chaw engün, werken püllü ngefuy, mülelu wenu mapu mu. Welu ¿chumngechi femrumey tüfa?

Tukulpange, feychi weda püllü Satana, re wedalkamekefuy. Ka ayükey ñi inawentuaetew kakelu Ngünechen ñi pu werken kümeke püllü, wedake püllü ngeal. Rupachi antü mu, kiñeke werken püllü ngüneduamingün ñi allkütuafiel Satana. Elkünuyngün ñi küdaw Ngünechen ñi eluetew ñi femal wenu mapu mu. Nagpayngün Mapu mu, ka che ad ngetuyngün. ¿Kimimi chumngelu (chemu) chi?

Biblia feypiley, pefingün pu ayüfalchi domo Mapu mu, ka ayüyngün ñi mülepayal fey engün. Feymu lle küpayngün ñi kureyenieafiel feyti pu domo. Biblia feypiley tüfa weda femingün, Ngünechen am dewmafi pu werken püllü ñi müleam wenu mapu mu.

Pu werken püllü ka ñi domo engün choyülu (llegi), ñi pu we püñeñ kangeyngün. Ellaka mu, doy kangekelafuyngün chi. Welu doy fütra tremkülerpuyngün, ka doy newenkülerpuyngün, feymu wüla fütra wentru ngeturkeyngün.

Tüfachi fütrake wentru weda che ngefuyngün. Ka doy fütrangey ka newen ngen mu, feymu allfüllkafingün pu che. Ka dikümtükukefuyngün (ngüdalkefuyngün) kom che ñi wedachengeal kidu engün reke.

Enok lay, welu müley ka kiñe küme wentru Mapu mu. Tüfachi wentru Noe pingefuy. Kidu rumel femkefuy Ngünechen ñi ayükefel ñi femal.

Kiñe antü, Ngünechen feypifi ta Noe ta akuy chi antü Kidu ñi apümkayafiel itrokom wedake che. Welu Ngünechen montulafilu Noe, ñi pu reñma ka fentren kulliñ. Peafiyiñ chumngechi Ngünechen femi tüfa.