Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

 Nütram 74

Kiñe wentru llükan nienolu

Kiñe wentru llükan nienolu

ADKINTUFINGE ti pu che ayentuniefi tüfachi weche wentru. ¿Kimimi iney ngen? Feyta Jeremia pingelu, Ngünechen mu kiñe doy falin pelon wentru.

Josia trafokafilu ti pu poyekeelchi adentun kom ñi mapu mu, pichin (püchün) wüla tüfa Jewba feypifi ta Jeremia ñi pelon wentru ngeal. Welu, Jeremia ‘rume weche wentru ngen ñi pelon wentru ngeal’ pi ñi rakiduam. Welu Jewba feypieyew: ‘Iñche kelluaeyu.’

Jeremia feypikefi tati pu Israel che ñi femwenoal wedake dungu. ‘Tati pu dio kake trokiñ che ñi poyekeel, koyla ngey,’ pi. Welu fentren pu Israel che doy ayüy ñi poyeafiel ti pu adentun, ka ti rüfngechi Ngünechen Jewba no. Jeremia feypifilu Ngünechen ñi kastigayaetew ñi wedañma ngen engün, tati pu che ayetuniefingün Jeremia.

Fentren tripantu rupay. Josia lay, ka rupachi küla küyen wüla tañi fotüm Joakim rey ngerpuy. Jeremia amuley ñi feypimekefiel tati pu che: ‘Kangetunolmün, Jerusalen apümngeay llemay.’ Tati pu saserdote nüfi ta Jeremia ka wirari engün: ‘Jeremia müley ñi layal, weda dungumekey taiñ waria mu.’

Fewla, ¿chumay Jeremia? ¡Kidu llükalay! Feypifi kom pu che: ‘Jewba werküenew tañi dungual tüfachi dungu. Pinolmün tamün kakünual tamün weda mongen, kidu apümafi Jerusalen. Welu rüf küme kimniemün feypiwayiñ: Langümmuli, langümaymün kiñe wentru chumkenolu chem weda dungu no rume.’

Tati pu rume falin wentru eluñmafi Jeremia ñi mongeleal, welu tati pu Israel che kangetulay ñi mekefiel wedake femün. Fey wüla küpay Nafukodonosor, ti rey Babilonia mu, ka kewapafi Jerusalen waria. Af mew, Nafukodonosor nüfi tati pu Israel che ñi kona ngeal. Yey fentren warangkakechi che Babilonia mu. ¡Rakiduamnge nüelmu kake rume che, ka yengelmi kake mapu mu!