Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

 NÜTRAM 14

Abraam ñi mupiltun pewfaluwi

Abraam ñi mupiltun pewfaluwi

¿PEAFUYMI chummeken Abraam? Nierkey kiñe kuchillo, ka amuley langümafiel ñi fotüm, trokifiñ. ¿Chumngelu (chemu) am? Wüne peafiyiñ chumngechi Abraam ka Sara yall nieyngu (püñeñ).

Tukulpange, Ngünechen feypikünueyew ‘nieaymu kiñe yall’. Welu tüfa pepilfalnolu, Abraam Sara engu müna füchayngu. Welu Abraam feyentukefi Ngünechen ñi pepilün ñi femal feychi pepilfalnolu dungu. Feymu, ¿chumtuy?

Fey wüla Ngünechen femi ñi rüfngen ñi pin, rupay kiñe kom tripantu. Fey mew, Abraam nielu kiñe pataka tripantu, ka Sara aylla mari tripantu, nieyngu kiñe yall, Isaak pingekefuy. ¡Ngünechen femi tañi pin!

Welu Isaak doy tremlu, Jewba küpa kimi chumlen Abraam ñi mupiltun. Feymew mütrümfi: ‘¡Abraam!’ Ka Abraam llowdunguy: ‘¡Faw mülen!’ Feymew Ngünechen feypi: ‘Nünge tami fotüm, tami kiñen fotüm llemay, Isaak, ka amunge chi fütra wingkul iñche pengelelayu. Üye mew langümnge tami fotüm ka wülnge chalintükun reke.’

Tüfachi dungu ¡müna weñangkueyew Abraam, Abraam rume piwkeyefuy tañi fotüm! Ka tukulpange, Ngünechen dew feypikünufi Abraam ñi pu yall ñi mongeleam Kanaan mapu mew. Welu lafule Isaak, ¿chumngechi rupayafuy tüfachi dungu? Abraam kimlay, welu petu feyentuniefi Ngünechen.

Puwlu engu ti fütra wingkul mu, Abraam trarikünufi ta Isaak, ka elkünufi wente llangüll (altar) mew, kidu ñi dewmael. Fey mew, nentuy ti kuchillo ñi langümal ñi fotüm. Welu pürüm (pür) mu, Ngünechen ñi werken küme püllü mütrümfi: ‘¡Abraam, Abraam!’ Ka Abraam llowdunguy: ‘¡Faw mülen!’

‘Wedalkakifilnge, ka chem no rume ti weche wentru,’ pi Ngünechen. ‘Dew kimnien eymi nieymi mupiltun iñche mu, nünakümlaymi tami fotüm, tami kiñeñ fotüm, iñche mu.’

¡Müna küme mupiltun nierkey Abraam Ngünechen mu! Kidu feyentukey chem dungu no rume pepilfal-lay Jewba mew, ka Jewba wiñomongeltuafuy Isaak rangi lachi che. Welu Ngünechen rüf ayülafuy Abraam ñi langümafiel Isaak; kidu keltakünufi kiñe ufisa pichike anümka mew, ka feypifi Abraam: ‘Chalintükuafimi feyti ufisa, welu Isaak no.’