哥林多後書 9:1-15
9 關於 救濟 聖民 嘅 職務 ，其實 我 唔 需要 寫 信 俾 你哋 ，
2 因為 我 知道 你哋 有 樂意 嘅 心 。事實上 ，我 向 馬其頓 人 誇獎 *你哋 ，話 亞該亞 人 一 年 前 已經 為 呢 件 事 做 準備 嘞 ，而且 大多數 人 都 俾 你哋 嘅 熱心 打動 。
3 我 而家 派 呢啲 弟兄 去 ，係 想 你哋 好似 我 講 過 噉 ，真係 準備 好 。噉 我哋 誇獎 你哋 嘅 說話 就 冇 講 錯 嘞 。
4 如果 唔 係 ，萬一 馬其頓 人 同 我 一齊 去 ，發現 你哋 未 準備 好 ，到時 唔 好 話 你哋 慚愧 吖 ，就 連 我哋 都 會 因為 信任 你哋 而 覺得 慚愧 。
5 所以 ，我 認為 有 必要 鼓勵 嗰 幾 個 弟兄 去 你哋 嗰度 先 ，將 你哋 承諾 自願 作 出 嘅 捐獻 預先 收集 好 ，噉 你哋 準備 嘅 捐獻 就 真係 出於 慷慨 ，而 唔 係 迫於 無奈 嘞 。
6 喺 呢 件 事 上 ，邊個 撒種 少 ，收穫 就 會 少 ；邊個 撒種 多 ，收穫 就 會 多 。
7 每 個 人 都 要 按照 心 入面 嘅 決定 去 做 ，唔 係 勉強 嘅 ，唔 係 被迫 嘅 ，因為 上帝 鍾意 開開心心 噉 施與 嘅 人 。
8 另外 ，上帝 能夠 將 一切 分外 恩典 厚 賜 俾 你哋 ，令 你哋 樣樣 充足 ，時刻 一無所缺 ，能夠 做 各 種 善事 。
9 （聖經 噉樣 寫 ：「佢 慷慨 *施與 ，救濟 窮人 。佢 嘅 正義 永遠 長存 。」
10 上帝 厚 賜 種子 俾 人 撒種 ，亦 都 厚 賜 食物 俾 人 享用 ，既然 係 噉 ，佢 都 會 額外 賜 多 啲 種子 俾 你哋 撒種 ，噉 你哋 嘅 正義 行為 就 有 更 豐富 嘅 收穫 嘞 。）
11 你哋 而家 樣樣 富足 ，所以 能夠 喺 各 方面 慷慨 施與 ，通過 我哋 所 做 嘅 使 人 感謝 上帝 。
12 因為 呢 個 救濟 眾人 嘅 職務 ，唔單止 係 要 充分 滿足 聖民 嘅 需要 ，亦 都 係 要 令 人 多多 感謝 上帝 。
13 佢哋 從 呢個 救濟 職務 睇 到 證據 ，知道 你哋 同 自己 公開 聲明 嘅 一樣 ，順從 基督 嘅 好消息 ，亦 都 知道 你哋 對 聖民 同 所有 人 都 慷慨 捐獻 ，就 榮耀 上帝 。
14 佢哋 都 因為 上帝 賜 俾 你哋 無與倫比 嘅 分外 恩典 ，就 為 你哋 懇切 祈求 ，表達 對 你哋 嘅 溫情 。
15 願 感謝 歸於 上帝 ，佢 不 求 回報 噉 俾 人 嘅 恩賜 *實在 難以言喻 。
