哥林多後書 13:1-14
13 我 要 去 你哋 嗰度 ，今 次 係 第 三 次 嘞 。「所有 事情 都 要 根據 兩 三 個 人 嘅 證詞 *先 可以 確定 。」
2 雖然 我 而家 唔 喺 你哋 嗰度 ，但係 就 好似 第 二 次 喺 你哋 嗰度 噉 。我 預先 警告 嗰啲 犯 咗 罪 嘅 人 同 其餘 嘅 人 ，如果 我 再 去 你哋 嗰度 ，就 唔 會 寬容 佢哋 。
3 你哋 係咪 要 搵 基督 通過 我 講 說話 嘅 證據 吖 ？我 唔 寬容 佢哋 就係 證據 嘞 。其實 基督 喺 你哋 當中 並 唔 軟弱 ，佢 係 大有 力量 嘅 。
4 雖然 佢 以前 係 軟弱 嘅 *，喺 木柱 上 被 處死 ，但係 而家 就 因為 上帝 嘅 力量 而 活 著 。雖然 我哋 而家 都 係 軟弱 嘅 ，好似 佢 以前 一樣 ，但係 將來 就 會 因為 上帝 嘅 力量 而 同 佢 一齊 活 著 ，呢 種 力量 喺 你哋 身上 發揮 作用 。
5 你哋 要 不斷 察驗 自己 係 唔 係 持守 信仰 ，不斷 驗明 自己 到底 係 個 點 嘅 人 。你哋 唔 明白 ，耶穌 基督 係 同 你哋 聯合 嘅 咩 ？除非 你哋 冇 得到 認可 。
6 我 真係 希望 你哋 明白 ，我哋 係 得到 認可 嘅 。
7 我哋 向 上帝 禱告 ，希望 你哋 唔 犯 任何 過錯 。我哋 並 唔 係 想 人 睇 出 我哋 得到 認可 ，而 係 想 你哋 繼續 做 美好 嘅 事 ，就算 其他 人 覺得 我哋 冇 得到 認可 都 唔 緊要 。
8 無論 我哋 做 乜嘢 ，都 唔 可以 反對 真理 ，只 可以 支持 真理 。
9 每當 我哋 軟弱 而 你哋 強 而 有力 嗰陣 ，我哋 就 好 開心 。我哋 禱告 求 嘅 就係 你哋 接受 糾正 。
10 我 趁 唔 喺 你哋 嗰度 嘅 時候 ，寫 低 呢啲 說話 俾 你哋 。噉樣 ，我 喺 你哋 嗰度 嘅 時候 ，就 唔 需要 用 主 賜 俾 我 嘅 權力 嚴厲 噉 對待 你哋 嘞 。呢個 權力 係 用 嚟 鼓勵 *你哋 ，而 唔 係 用 嚟 打擊 *你哋 㗎 。
11 最後 ，各 位 弟兄 ，你哋 要 繼續 歡欣 喜樂 ，接受 糾正 ，接受 安慰 ，思想 一致 ，和睦 共處 。噉樣 ，充滿 愛心 、賜 人 安寧 *嘅 上帝 就 會 同 你哋 同在 。
12 你哋 要 親切 噉 互相 問候 *。
13 所有 聖民 都 問候 你哋 。
14 願 你哋 所有 人 都 享有 主 耶穌 基督 嘅 分外 恩典 ，同埋 上帝 嘅 愛 ，大家 都 得到 神聖力量 帶 嚟 嘅 福分 *。
