哥林多後書 8:1-24
8 各 位 弟兄 ，我哋 好 想 你哋 知道 ，上帝 所 賜 嘅 分外 恩典 喺 馬其頓 各 地 會眾 成就 咗 啲 乜嘢 。
2 雖然 佢哋 處於 困境 ，大 受 考驗 ，但係 佢哋 滿心 喜樂 ，喺 極度 貧困 之 下 ，仍然 顯得 特別 *慷慨 、真正 富足 。
3 我 可以 作證 ，佢哋 所 做 嘅 係 按照 佢哋 嘅 能力 ，甚至 係 超過 咗 佢哋 嘅 能力 。
4 佢哋 採取 主動 ，一 次 又 一 次 懇求 我哋 俾 佢哋 捐助 聖民 ，喺 救濟 嘅 職務 上 盡 一份力 。
5 佢哋 所 做 嘅 超出 我哋 嘅 期望 。佢哋 按照 上帝 嘅 旨意 ，先 全心全意 為 主 服務 *，然後 又 為 我哋 服務 。
6 所以 我哋 勉勵 提多 ，既然 佢 喺 你哋 當中 開始 籌辦 救濟 工作 ，就 應該 完成 收集 你哋 嘅 捐獻 呢 件 善事 。
7 你哋 事事 富足 ，充滿 信心 、口才 、知識 ，亦 都 滿腔 熱誠 ，深受 我哋 所 愛 。願 你哋 都 繼續 慷慨 捐獻 *。
8 我 噉樣 講 ，唔 係 想 命令 你哋 ，而 係 想 你哋 知道 其他 人 幾咁 熱誠 ，亦 都 想 睇 吓 你哋 係咪 有 真摯 嘅 愛心 。
9 你哋 知道 我哋 主 耶穌 基督 嘅 分外 恩典 ，佢 本來 富足 ，但係 就 甘願 為咗 你哋 而 變 得 貧窮 ，令 你哋 能夠 因為 佢 嘅 貧窮 而 變 得 富足 。
10 我 認為 辦妥 救濟 嘅 事 對 你哋 比較 好 。始終 喺 一 年 前 你哋 已經 開始 收集 捐獻 ，表明 自己 有 呢個 心願 。
11 你哋 做 呢 件 事 ，要 有始有終 。你哋 按照 自己 嘅 能力 去 做 ，就 能夠 達成 自己 樂意 行善 嘅 心願 嘞 。
12 如果 一 個 人 有 樂意 嘅 心 ，佢 嘅 奉獻 就 令 上帝 特別 高興 ，因為 上帝 希望 人 獻 出 自己 擁有 嘅 ，而 唔 係 自己 冇 嘅 。
13 我 唔 係 想 人哋 輕鬆 ，你哋 辛苦 ，
14 而 係 想 大家 均等 ，噉樣 你哋 而家 多 出嚟 嘅 ，就 能夠 彌補 佢哋 嘅 不足 ，將來 佢哋 多 出嚟 嘅 ，亦 都 能夠 彌補 你哋 嘅 不足 ，噉 大家 就 能夠 互補 不足 *嘞 。
15 正如 聖經 噉 寫 ：「多 嘅 未 至於 太 多 ，少 嘅 亦 未 至於 太 少 。」
16 我哋 感謝 上帝 ，因為 提多 好似 我哋 一樣 ，熱切 關心 你哋 。
17 佢 去 你哋 嗰度 ，一 方面 係 因為 我哋 鼓勵 佢 去 ，另 一 方面 係 因為 佢 本來 就 好 想 噉樣 做 ，自願 去 見 你哋 。
18 我哋 仲 會 派 一 個 弟兄 同 佢 一齊 去 。呢個 弟兄 喺 傳講 好消息 嘅 工作 上 受 到 稱讚 ，名聲 傳遍 所有 會眾 。
19 唔單止 噉 ，佢 仲 受 到 各 群 會眾 嘅 委派 ，同 我哋 一齊 去 各 地 辦理 呢 件 救濟 嘅 善事 ，將 榮耀 歸於 主 ，亦 都 證明 我哋 樂意 協助 其他 人 。
20 我哋 用 呢個 方式 處理 你哋 慷慨 嘅 捐款 ，就 冇 人 可以 挑剔 我哋 嘞 。
21 我哋 「唔單止 喺 耶和華 *眼前 辦事 誠實 ，喺 人 眼前 亦 都 辦事 誠實 」。
22 另外 ，我哋 仲 會 派 多 一 個 弟兄 同 佢哋 一齊 去 。呢個 弟兄 經過 我哋 多 次 試驗 ，證明 佢 喺 好 多 事 上 都 辦事 勤懇 。佢 對 你哋 非常 有 信心 ，所以 而家 就 更加 勤懇 嘞 。
23 如果 有 人 對 提多 有 疑問 ，唔使 擔心 ，佢 係 我 嘅 同伴 ，亦 都 係 同 我 一齊 工作 嘅 拍檔 ，要 令 你哋 得益 。至於 其他 弟兄 ，佢哋 係 各 群 會眾 派出 嘅 使徒 ，係 基督 嘅 榮耀 。
24 所以 ，你哋 要 向 佢哋 證明 你哋 嘅 愛心 ，向 各 群 會眾 證明 我哋 誇獎 *你哋 係 啱 㗎 。
