哥林多後書 10:1-18
10 有啲 人 話 我 同 你哋 見面 嘅 時候 軟弱 平凡 ，而 寫 信 俾 你哋 嘅 時候 *措辭 就 好 嚴厲 。不過 ，我 保羅 而家 就係 以 基督 嗰 種 溫和 仁慈 嘅 態度 懇求 你哋 。
2 有啲 人 認為 我哋 按照 世俗 嘅 諗法 *行事 。其實 ，我 本來 要 嚴厲 譴責 呢啲 人 ，但係 我 真係 好 希望 去 到 你哋 嗰度 嘅 時候 唔使 噉 做 。
3 雖然 我哋 喺 世上 活 著 *，不過 唔 係 以 世人 嘅 方式 *作戰 。
4 我哋 作戰 嘅 武器 ，唔 係 世人 *嘅 武器 ，而 係 上帝 所 賜 嘅 武器 ，呢啲 武器 大 有 能力 ，能夠 推翻 根深蒂固 嘅 事物 。
5 我哋 推翻 各 種 謬論 ，同埋 一切 阻礙 人 認識 上帝 *嘅 高傲 諗法 ，將 一切 思想 都 俘擄 返嚟 ，服從 基督 。
6 我哋 已經 準備 好 ，等 你哋 完全 服從 ，就 即刻 懲罰 所有 唔 服從 嘅 人 。
7 你哋 睇 嘢 淨係 睇 表面 。如果 有 人 相信 自己 係 屬於 基督 嘅 ，就 應該 再 諗 吓 呢 一 點 ：既然 佢 屬於 基督 ，噉 我哋 都 屬於 基督 。
8 主 賜 權力 俾 我哋 ，係 想 鼓勵 *你哋 ，唔 係 想 打擊 *你哋 。就算 我 有 少少 誇耀 呢個 權力 ，都 唔 覺得 羞愧 。
9 我 噉樣 講 ，係 唔 想 有 人 以為 我 寫 信 係 想 威嚇 大家 。
10 有啲 人 話 ：「佢 啲 信 又 堅定 又 有 說服力 *，但係 佢 喺度 同 我哋 一齊 嘅 時候 就 軟弱 平凡 ，說話 沉悶 平淡 。」
11 噉樣 講 嘅 人 應該 諗 吓 ，我哋 喺 信 上 點樣 講 ，去 到 你哋 嗰度 嘅 時候 都 會 點樣 做 。
12 我哋 唔 敢 同 嗰啲 讚 自己 *嘅 人 相提並論 ，不過 佢哋 用 自己 嘅 標準 衡量 自己 ，將 自己 同 自己 比較 ，真係 不 明 事理 。
13 我哋 誇耀 嘅 ，唔 係 指定 範圍 以外 嘅 ，而 係 喺 上帝 指派 我哋 嘅 地區 範圍 以內 嘅 。呢個 地區 都 包括 你哋 嗰度 。
14 我哋 的確 冇 超出 自己 嘅 範圍 ，其實 我哋 嘅 地區 好 早 之前 就 包括 你哋 嗰度 嘞 。始終 最早 去 你哋 嗰度 宣揚 基督 好消息 嘅 係 我哋 。
15 而家 我哋 並 冇 超出 指定 嘅 範圍 ，攞 人哋 付出 嘅 努力 嚟 誇耀 。其實 我哋 希望 ，隨住 你哋 嘅 信心 不斷 增強 ，我哋 工作 嘅 成果 都 能夠 喺 我哋 嘅 地區 裡面 繼續 增加 。噉樣 ，我哋 就 能夠 成就 更 多 工作 ，
16 而且 將 好消息 傳 到 你哋 以外 嘅 地方 ，以免 有 人 話 我哋 攞 人哋 嘅 地區 裡面 已經 有 嘅 成就 嚟 誇耀 。
17 「誇耀 嘅 人 應該 因為 耶和華 *而 誇耀 。」
18 得到 認可 嘅 ，唔 係 自己 讚 自己 *嘅 人 ，而 係 耶和華 *所 讚賞 嘅 人 。
