哥林多後書 4:1-18
4 既然 我哋 得到 上帝 嘅 憐憫 ，領受 咗 呢個 職務 ，就 唔 會 放棄 。
2 我哋 唔 會 暗中 做 可恥 嘅 壞事 ，唔 會 行事 奸詐 ，唔 會 曲解 上帝 嘅 話語 *。我哋 顯揚 真理 ，噉 每 個 人 就 可以 喺 上帝 面前 憑 良心 判斷 我哋 。
3 如果 我哋 宣揚 嘅 好消息 好似 俾 布 遮 住 ，噉 都 只係 對 嗰啲 走向 滅亡 嘅 人 嚟 講 被 遮 住 。
4 呢啲 唔 信 主 嘅 人 嘅 思想 俾 目前 制度 *嘅 神 蒙蔽 咗 ，就 好似 俾 人 整 盲 咗 噉 ，所以 佢哋 睇 唔 到 基督 榮耀 嘅 好消息 發出 嘅 光輝 。而 基督 係 上帝 嘅 形象 。
5 我哋 唔 係 傳揚 自己 ，而 係 傳揚 耶穌 基督 係 主 ，仲有 我哋 為咗 耶穌 而 成為 你哋 嘅 僕人 *。
6 上帝 講 過 ：「要 有 光 喺 黑暗 裡面 照 出嚟 。」通過 基督 嘅 面 ，上帝 已經 用 自己 榮耀 嘅 知識 照亮 咗 我哋 嘅 心 。
7 我哋 只 不過 係 瓦器 *，但係 就 有 呢個 珍寶 放 喺 裡面 ，所以 ，其實 非凡 嘅 力量 並 唔 係 嚟自 我哋 ，而 係 嚟自 上帝 。
8 我哋 雖然 四面 受 壓 ，但係 未 至於 陷入 絕境 *；雖然 覺得 迷惘 ，但係 未 至於 走投無路 *；
9 雖然 受 到 迫害 ，但係 未 至於 被 拋棄 ；雖然 俾 憂慮 壓倒 *，但係 未 至於 滅亡 。
10 我哋 時刻 身 受 死亡 嘅 威脅 ，就 好似 耶穌 所 遭遇 嘅 一樣 ，噉 耶穌 嘅 一生 就 喺 我哋 身上 體現 嘞 。
11 我哋 雖然 活 著 ，但係 就 為咗 耶穌 而 時刻 面對 死亡 ，噉樣 ，耶穌 嘅 一生 亦 都 喺 我哋 呢啲 會 死 嘅 人 身上 體現 出嚟 。
12 噉 就 可以 睇 出 ，我哋 要 面對 死亡 ，而 你哋 就 會 得到 生命 。
13 聖經 講 過 ：「我 信從 上帝 ，所以 我 噉樣 講 說話 。」既然 我哋 有 同一 種 信心 ，同一 種 精神 *，噉 我哋 就 同樣 係 信從 上帝 ，所以 都 噉樣 講 說話 。
14 我哋 知道 ，既然 上帝 令 耶穌 復活 ，都 會 令 我哋 復活 ，同 耶穌 一齊 。佢 會 將 我哋 同 你哋 一齊 帶 到 耶穌 面前 。
15 呢 一切 都 係 為咗 你哋 而 發生 嘅 。噉樣 ，既然 有 更 多 人 感謝 上帝 ，分外 恩典 就 越 嚟 越 豐厚 ，令 榮耀 歸於 上帝 。
16 所以 ，我哋 唔 會 放棄 。雖然 我哋 外在 嘅 人 漸漸 衰退 ，但係 內在 嘅 人 *就 日日 更新 。
17 我哋 遭遇 嘅 患難 *係 短暫 同 輕微 嘅 ，但係 為 我哋 帶 嚟 嘅 榮耀 就 無與倫比 ，日益 輝煌 *，永遠 長存 。
18 我哋 注視 嘅 ，唔 係 睇 得 到 嘅 ，而 係 睇 唔 到 嘅 。因為 睇 得 到 嘅 係 暫時 嘅 ，而 睇 唔 到 嘅 係 永恆 㗎 。
