哥林多後書 2:1-17
2 我 已經 決定 咗 ，下 次 去 你哋 嗰度 嘅 時候 ，唔 會 令 大家 傷心 。
2 如果 我 令 你哋 傷心 ，噉 邊個 能夠 令 我 開心 返 呢 ？就係 因為 我 而 傷心 嘅 人 嘞 。
3 所以 我 寫 咗 嗰 封 信 俾 你哋 ，以免 我 嚟 到 之後 ，本來 應該 令 我 開心 嘅 人 ，反而 令 我 傷心 。我 深信 ，令 我 開心 嘅 事 ，亦 都 會 令 你哋 所有 人 開心 。
4 之前 我 寫 信 俾 你哋 嘅 時候 ，心 入面 非常 痛苦 難過 ，流 咗 唔少 眼淚 。我 唔 係 要 令 你哋 傷心 ，而 係 想 你哋 知道 我 真係 好 愛 你哋 。
5 如果 有 任何 人 令 人 傷心 ，佢 唔 係 令 我 傷心 ，而 係 令 你哋 所有 人 都 有啲 傷心 。我 講 有啲 ，係 唔 想 我 嘅 說話 太 嚴厲 。
6 呢個 人 受 過 大部分 人 嘅 譴責 ，噉樣 已經 夠 嘞 。
7 你哋 應該 衷心 原諒 *佢 ，安慰 佢 ，以免 佢 因為 太 難過 而 覺得 絕望 。
8 所以 我 勸 你哋 ，要 俾 佢 知道 你哋 的確 好 愛 佢 。
9 我 寫 呢 封 信 亦 都 係 為咗 確認 ，你哋 可 唔 可以 證明 自己 事事 服從 。
10 你哋 原諒 邊個 ，我 都 會 原諒 。其實 ，我 原諒 任何 過錯 ，都 係 為咗 幫 你哋 ，而且 係 喺 基督 眼前 噉 做 ，
11 噉 我哋 就 唔 會 俾 撒但 有機可乘 *，因為 我哋 好 清楚 佢 嘅 陰謀 。
12 我 曾經 去 特洛阿斯 宣揚 基督 嘅 好消息 。當時 有 一 道 門 為 我 打開 ，可以 為 主 工作 ，
13 但係 我 搵 唔 到 我 嘅 弟兄 提多 ，就 好 擔心 ，於是 同 大家 道別 ，去 咗 馬其頓 。
14 感謝 上帝 ！佢 時刻 帶領 我哋 同 基督 一齊 喺 凱旋 隊伍 當中 遊行 ，通過 我哋 將 關於 上帝 嘅 知識 傳 到 各 地 ，就 好似 散發 香氣 一樣 。
15 對 上帝 嚟 講 ，無論 我哋 喺 將 會 得救 嘅 人 當中 ，定係 喺 走向 滅亡 嘅 人 當中 ，都 係 基督 嘅 香氣 。
16 對於 走向 滅亡 嘅 人 嚟 講 ，呢 股 係 死亡 嘅 氣味 *，導致 死亡 ；不過 對於 將 會 得救 嘅 人 嚟 講 ，就係 生命 嘅 香氣 ，帶 嚟 生命 。邊個 能夠 勝任 呢 件 工作 呢 ？
17 我哋 能夠 勝任 ，因為 我哋 唔 係 好似 其他 人 *噉 ，販賣 上帝 嘅 話語 *，而 係 奉 上帝 差遣 ，喺 上帝 眼前 ，靠 住 基督 ，充滿 真誠 噉 傳講 真理 。
