哥林多後書 12:1-21
12 我 真係 要 誇耀 一下 。我 想 講 吓 主 賜 下 嘅 異象 *同 啟示 ，雖然 噉 做 對 我 冇 乜 益處 。
2 我 識得 一 個 人 ，佢 係 同 基督 聯合 嘅 。14年 前 ，佢 突然間 被 接 去 三重天 。當時 佢 係咪 親身 去 *，我 唔 知 ，只有 上帝 先至 知道 。
3 我 真係 識得 呢個 人 ，但係 佢 到底 係咪 親身 去 嘅 *，我 唔 知 ，只有 上帝 先至 知道 。
4 佢 突然間 被 接 去 樂園 ，聽 到 一啲 說話 ，係 人 唔 可以 用 言語 表達 ，亦 都 唔 可以 講 出嚟 嘅 。
5 我 會 因為 呢 個人 而 誇耀 ，但係 除 咗 自己 軟弱 嘅 一面 ，我 唔 會 誇耀 自己 。
6 即使 我 想 誇耀 ，都 唔 算 唔 合理 ，因為 我 講 嘅 係 真話 。不過 ，我 寧願 唔 誇耀 ，以免 有 人 將 我 抬 得 太 高 ，超過 佢 喺 我 呢度 見 到 同 聽 到 嘅 。
7 佢哋 唔 應該 因為 我 得到 咁 特殊 嘅 啟示 就 過分 抬舉 我 。
我 身上 有 一 條 刺 ，令 我 唔 會 太 驕傲 。呢 條 刺 好似 撒但 嘅 天使 ，不斷 打 我 塊 面 *。噉樣 我 就 唔 會 太 驕傲 嘞 。
8 為咗 呢 件 事 ，我 曾經 三 次 懇求 主 ，希望 呢 條 刺 離開 我 。
9 不過 主 同 我 講 ：「我 俾 你 嘅 分外 恩典 已經 足夠 嘞 ，因為 我 嘅 力量 喺 人 軟弱 嘅 時候 就 顯得 完美 。」所以 ，我 最 鍾意 誇耀 自己 軟弱 嘅 一面 ，噉樣 基督 嘅 力量 就 會 好似 帳篷 一樣 覆 庇 我 。
10 為咗 基督 ，我 樂意 忍受 軟弱 、侮辱 、貧窮 、迫害 、困難 。因為 每 當 我 軟弱 無力 ，我 就 大有 力量 。
11 我 而家 唔 合理 ，係 你哋 逼 我 嘅 ，因為 我 本來 應該 受 到 你哋 嘅 讚賞 *。就算 我 喺 你哋 眼 中 唔 算 得 乜嘢 ，都 冇 一樣 比 唔 上 你哋 嗰啲 超等 使徒 。
12 我 喺 你哋 當中 百般 忍耐 ，用 神跡 、奇事 *、大 能 嘅 作為 ，證明 咗 我 使徒 嘅 身分 。
13 我 對 你哋 係咪 差 過 對 其他 會眾 吖 ？係 嘅 話 ，可能 就 只有 我 冇 成為 你哋 嘅 負擔 呢 件 事 ，請 你哋 原諒 我 嘅 過錯 。
14 我 準備 好 去 你哋 嗰度 ，今 次 係 第 三 次 嘞 。不過 ，我 唔 會 成為 你哋 嘅 負擔 。因為 我 唔 係 要 你哋 嘅 嘢 ，而 係 想 見 到 你哋 。從來 都 唔 係 仔女 為 父母 積蓄 ，而 係 父母 為 仔女 積蓄 。
15 至於 我 ，為咗 你哋 ，我 絕對 樂意 付出 ，甚至 付出 一切 。既然 我 咁 愛 你哋 ，你哋 唔 係 應該 好似 我 愛 你哋 噉 愛 我 咩 ？
16 雖然 係 噉 ，我 從來 都 冇 成為 你哋 嘅 負擔 。但係 你哋 就 話 我 「狡猾 」，話 我 用 「奸計 」呃 *你哋 。
17 我 派 去 你哋 嗰度 嘅 人 ，我 有 冇 利用 過 佢哋 任何 一 個 ，去 佔 你哋 便宜 呢 ？
18 之前 我 鼓勵 提多 去 你哋 嗰度 ，仲 派 咗 一 個 弟兄 同 佢 一齊 去 。提多 有 冇 佔 過 你哋 便宜 吖 ？我哋 唔 係 有 同樣 嘅 精神 *，用 同樣 嘅 方式 *行事 為人 咩 ？
19 你哋 係咪 以為 我哋 喺度 為 自己 辯護 呢 ？其實 上帝 知道 我哋 呢啲 同 基督 聯合 嘅 人 ，講 嘅 係 真話 。親愛 嘅 朋友 ，我哋 做 呢 一切 都 係 為咗 鼓勵 你哋 。
20 我 只係 怕 我 去 到 你哋 嗰度 之後 ，發覺 你哋 嘅 行為 唔 符合 我 嘅 期望 ，而 我 嘅 行為 都 唔 符合 你哋 嘅 期望 。我 擔心 會 見 到 你哋 爭執 、妒忌 、大 發 脾氣 、紛爭 、背後 中傷 人 、講 閒話 、自高自大 、混亂 不安 。
21 我 只係 怕 再 去 你哋 嗰度 嘅 時候 ，我 嘅 上帝 令 我 喺 你哋 面前 蒙羞 ，而且 我 會 為 好 多 人 痛心 ，因為 佢哋 犯 咗 罪 ，做 咗 不潔 嘅 事 ，淫亂 *，行為 無恥 *，但係 仍然 未 悔改 。
