哥林多後書 1:1-24
1 我 係 保羅 ，按照 上帝 嘅 旨意 做 基督 耶穌 嘅 使徒 *。我 同 我哋 嘅 弟兄 提摩太 ，一齊 寫 信 俾 上帝 喺 哥林多 *嘅 會眾 ，仲有 成 個 亞該亞 行省 嘅 所有 聖民 。
2 願 上帝 我哋 嘅 爸爸 ，仲有 主 耶穌 基督 將 分外 恩典 同 安寧 *賜 俾 你哋 。
3 願 讚美 歸於 我哋 嘅 主 耶穌 基督 嘅 上帝 ，佢 嘅 爸爸 ，亦 即係 嗰 位 憐憫 人 嘅 爸爸 ，賜 一切 安慰 嘅 上帝 。
4 我哋 遭遇 各 種 考驗 *嘅 時候 ，上帝 都 安慰 *我哋 ，噉 我哋 就 能夠 用 佢 所 賜 嘅 安慰 ，去 安慰 遭遇 各 種 考驗 *嘅 人 。
5 我哋 既然 因為 跟從 基督 而 受 好 多 苦 ，亦 都 會 因為 基督 而 得到 好 大 嘅 安慰 。
6 我哋 遭遇 考驗 *，係 要 令 你哋 得到 安慰 同 拯救 ；我哋 受 到 安慰 ，亦 都 係 要 令 你哋 得到 安慰 ，幫助 你哋 忍受 我哋 所 遭遇 嘅 苦難 。
7 我哋 對 你哋 有 堅定不移 嘅 信心 *，知道 你哋 既然 同 我哋 一樣 遭遇 苦難 ，亦 都 會 同 我哋 一樣 得到 安慰 。
8 各 位 弟兄 *，我哋 好 想 你哋 知道 ，我哋 喺 亞細亞 行省 遭遇 嘅 患難 。當時 要 承受 好 大 壓力 ，超出 我哋 嘅 能力 限度 。我哋 仲 以為 自己 會 冇 命 ，
9 覺得 自己 被 判 死刑 。呢個 經歷 令 我哋 睇 出 ，唔 應該 信賴 自己 ，而 係 要 信賴 令 死人 復活 嘅 上帝 。
10 佢 曾經 救 我哋 脫離 死亡 嘅 威脅 ，將來 都 會 救 我哋 ，我哋 都 寄 望 佢 再次 搭救 我哋 。
11 你哋 為 我哋 懇切 祈求 都 能夠 幫助 我哋 。如果 有 好 多 人 禱告 ，上帝 就 會 回應 ，向 我哋 施恩 ，結果 就 會 有 好 多 人 因為 我哋 而 感謝 上帝 。
12 我哋 嘅 良心 可以 作證 ，我哋 誇耀 *嘅 係 ，喺 呢個 世界 上 ，我哋 一向 保持 聖潔 ，按照 上帝 嘅 教導 真誠 噉 處事 待 人 ，對待 你哋 更加 係 噉 。我哋 唔 係 依靠 人 嘅 智慧 ，而 係 依靠 上帝 嘅 分外 恩典 。
13 我哋 寫 信 話 俾 你哋 知 嘅 呢啲 事 ，都 係 你哋 能夠 讀 到 *而且 明白 嘅 。我 希望 你哋 以後 能夠 完全 明白 *，
14 其實 你哋 喺 一定 程度 上 已經 明白 㗎 喇 ，你哋 能夠 以 我哋 為 榮 *，就 好似 我哋 喺 主 耶穌 嘅 日子 都 能夠 以 你哋 為 榮 一樣 。
15 我 確信 呢 一 點 ，所以 本來 想 去 你哋 嗰度 先 ，噉 你哋 就 能夠 再次 歡欣 *。
16 我 原本 打算 探訪 你哋 先 ，跟住 去 馬其頓 ，再 由 馬其頓 返去 你哋 嗰度 ，之後 請 你哋 送 我 離開 ，我 就 去 猶地亞 。
17 我 有 呢個 打算 ，唔通 係 隨便 講 吓 嘅 咩 ？我 做 決定 ，唔通 淨係 諗 自己 *，話 咗 「係 」，跟住 又 話 「唔 係 」？
18 上帝 係 可靠 嘅 ，我哋 對 你哋 講 嘅 說話 都 係 可靠 嘅 ，絕對 唔 會 講 完 「係 」，之後 又 話 「唔 係 」。
19 上帝 嘅 仔 耶穌 基督 都 一樣 。我 、西拉 、提摩太 向 你哋 傳揚 嘅 呢 位 耶穌 ，絕對 唔 會 講 完 「係 」又 話 「唔 係 」，佢 講 咗 「係 」就 「係 」㗎 嘞 。
20 上帝 嘅 承諾 無論 有 幾多 ，通過 佢 都 實現 咗 嘞 *。所以 我哋 講 「阿們 *」，亦 都 係 通過 佢 對 上帝 講 嘅 ，噉樣 就 能夠 將 榮耀 歸於 上帝 。
21 上帝 保證 ，你哋 同 我哋 都 屬於 基督 ，而 任命 *我哋 嘅 就係 上帝 。
22 佢 喺 我哋 身上 扱 咗 佢 嘅 印 ，將 憑證 *放 喺 我哋 嘅 心 裡面 ，令 我哋 清楚 知道 將來 會 得到 產業 。呢個 憑證 就係 佢 嘅 神聖力量 。
23 我 喺 上帝 面前 用 我 嘅 性命 發誓 *，我 仲 未 去 哥林多 ，係 唔 想 令 你哋 更加 難受 *。
24 我哋 唔 係 主人 ，唔 係 要 轄制 你哋 嘅 信心 ，而 係 同 你哋 一齊 工作 嘅 同伴 ，要 令 你哋 喜樂 ，因為 你哋 係 憑 住 自己 嘅 信心 *企穩 嘅 。
