INQAKU ELINGUMXHOLO | INDLELA ONOKUNYAMEZELA NGAYO XA KUSEHLA IINTLEKELE
Xa Kusehla Iintlekele
INTLEKELE yehla nakubani na nanini na, yehla nakwabo babonakala bengaswele nto.
IBHAYIBHILE ITHI:
“Ukukhawuleza asikokwababalekayo, idabi asilolabanamandla, nokutya asikokwezilumko, nobutyebi asibobabanokuqonda, kwanobabalo asilolwabanokwazi; ngenxa yokuba bonke behlelwa lixesha nasisihlo esingenakubonwa kwangaphambili.”—INtshumayeli 9:11.
Ngoko ke umbuzo awukho sekubeni uza kwehlelwa yintlekele kodwa usekubeni uza kwenza ntoni xa isehla. Ngokomzekelo:
Ungathini xa unokonakelelwa zizo zonke izinto onazo kwintlekele yemvelo?
Ungathini xa kunokufunyaniswa ukuba unesifo esibuhlungu esinganyangekiyo?
Kuthekani ukuba ufelwe ngumntu omthandayo?
AmaNgqina kaYehova, abapapashi bale magazini, bakholelwa ekubeni iBhayibhile ayinakukunceda ekunyamezeleni ezi ntlungu nje kuphela kodwa ingakunceda nasekubeni ube nethemba eliqinileyo. (Roma 15:4) Khawufunde kula mava mathathu alandelayo.