Mirero 7:1-27
7 Ṅwananga, tevhedza zwine nda amba,U vhulunge ndaela dzanga.+
2 Tevhedza ndaela dzanga uri u tshile;+U ṱhogomele ndayo* yanga u fana na ḽiṱo* ḽau.
3 Zwi vhofhelele kha minwe yau;U zwi ṅwale mbiluni yau vhunga kha tombo.*+
4 Amba na vhuṱali u ri: “U khaladzi anga,”U vhidzelele ṱhalukanyo u ri: “U shaka ḽanga,”
5 Uri zwi u linde kha mufumakadzi wa zwiito zwi sa ḓivhalei,+Kha maipfi a u ungeledza a mufumakadzi wa u ḓifara luvhi.+
6 Ndo lavhelesa fhasiNga fasiṱere ḽa nnḓu yanga,
7 Nda vhona vha si na tshenzhelo,Kha vhaswa nda vhona muṱhannga wa tsilu,+
8 A tshi khou fhira nga nḓila i re tsini na mafhande a hune onoyo mufumakadzi a dzula hone,A tshimbila o livha nḓuni ya onoyo mufumakadzi
9 Nga tshikovhelelo, ḽi tshi vho vha madekwana,+Musi ḽi tshi vho vha vhusiku, hu na swiswi.
10 Nda vhona onoyo mufumakadzi a tshi khou mu ṱanganedza,O ambara sa* ane a rengisa muvhili,+ e na vhukwila.
11 U a ambesa, u na tshikhuna.+
Ha dzuli* hayani.
12 Dzuli-dzuli u nnḓa, dzuli-dzuli u khoroni,U lalela mafhandeni oṱhe.+
13 Ngouḽa o fara uḽa muṱhannga, a mu khisa;A amba nae a si na ṱhoni a ri:
14 “Ndo ṋekedza zwiṱhavhelo zwa u pfumedzana.+
Ṋamusi ndo ita zwe nda ana.
15 Ndi ngazwo ndo ḓa u u ṱanganedza,Ndo ḓa u u ṱoḓa, zwino ndo u wana!
16 Ndo adzela mmbete wanga nga malabi avhuḓi,A ḽinene ya mivhala-vhala i bvaho Egipita.+
17 Mmbete wanga ndo u ṋuṋedza nga mira, tshikhopha na sinamoni.+
18 Iḓa ri fushee nga lufuno lwashu u swika ḽi tshi tsha;Kha ri ḓiphiṋe nga lufuno lu dugaho mbiluni,
19 Ngauri munna wanga haho hayani;O fara lwendo lulapfu.
20 O ṱuwa o fara tshelede,U ḓo vhuya ḓuvha ḽine ṅwedzi wa ḓo vha wo tshena.”
21 A mu fhura nga zwine a amba.+
A mu kunga nga maipfi a ungeledzaho.
22 A tevhela onoyo mufumakadzi, sa mboho i tshi ya u ṱhavhiwa,Sa tsilu ḽi tshi ya u pfiswa vhuṱungu nga u vhofhiwa nga ngeḓane,+
23 U swika musevhe u tshi pfula tshivhindi tshawe;U fana na tshiṋoni tshi tshi gidimela tshikwekweni, ha ḓivhi uri u ḓo lifha nga vhutshilo hawe.+
24 Zwino vhananga, nthetsheleseni;Thetshelesani zwine nda amba.
25 Ni songo tenda mbilu dzaṋu dzi tshi pambutshela nḓilani dzawe.
Ni songo xela na tevhela nḓila dzawe,+
26 Ngauri o no wisa vhanzhi nga u vha vhulaya,+Vhe a vha vhulaya ndi vhanzhi.+
27 Nnḓu yawe i isa Vhiḓani;*I isa kamarani dza nga ngomu-ngomu dza lufu.
