Mirero 2:1-22
2 Ṅwananga, arali wa thetshelesa zwine nda ambaWa tevhedza ndaela dzanga,+
2 Wa ita uri nḓevhe yau i thetshelese vhuṱali+Na u ita uri mbilu yau i vhe na ṱhalukanyo;+
3 Arali wa vhidzelela nḓivho,+Wa ṱavhela ṱhalukanyo mukosi;+
4 Wa dzula u tshi i ṱoḓa sa siḽiva,+Wa i ṱoḓa sa lupfumo lwo dzumbwaho;+
5 Ndi hone u tshi ḓo pfesesa zwine u ofha Yehova zwa amba zwone,+Ndi hone u tshi ḓo ḓivha Mudzimu.+
6 Ngauri Yehova ndi ene ane a ṋea vhuṱali;+Mulomoni wawe hu bva nḓivho na ṱhalukanyo.
7 Vho lugaho u vha ṋea vhuṱali;Ndi ene tshiṱangu tsha vhane vha fhulufhedzea.+
8 U lavhelesa nḓila dzo teaho,U ḓo linda nḓila dza vhathu vhawe vha fhulufhedzeaho.+
9 Ndi hone u tshi ḓo pfesesa zwo lugaho na zwo teaho,Zwine zwa vha maitele oṱhe a zwi re zwavhuḓi.+
10 Musi vhuṱali vhu tshi dzhena mbiluni yau+Na nḓivho i tshi u takadza,+
11 Vhukoni ha u humbula vhu ḓo dzula vhu tshi u linda,+Ṱhalukanyo i ḓo u tsireledza,
12 Ya u tsireledza kha nḓila mmbi,Kha vhathu vhane vha amba zwithu zwi sa ḓivhalei,+
13 Kha vhane vha pambuwa nḓilani dzo lugahoUri vha tshimbile nḓilani dza swiswi,+
14 Kha vhane vha takalela vhuvhi,Vhane vha takalela zwithu zwivhi,
15 Kha vha nḓila dzo kombamahoNa vha nḓila dza vhufhura.
16 I ḓo u tsireledza kha mufumakadzi wa zwiito zwi sa ḓivhalei,Kha maipfi a u ungeledza a mufumakadzi wa u ḓifara luvhi,+
17 We a laṱa khonani yawe ya tsini* ya musi a tshee muswa,+A hangwa mulanga we a u vhofha na Mudzimu wawe;
18 Ngauri u ya nḓuni yawe zwi isa lufuni,Nḓila i yaho nḓuni yawe i isa vhiḓani.+
19 Vhane vha ita zwa vhudzekani* nae a vha tsha vhuya,A vha tsha ḓo dovha vha wana nḓila i yaho vhutshiloni.+
20 Ngauralo, tevhela nḓila ya vhathu vhavhuḓiU dzule nḓilani ya vhavhuya,+
21 Ngauri ndi vho lugaho fhedzi vhane vha ḓo dzula kha ḽifhasi,Vha sa solei* ndi vhone vhane vha ḓo sala khaḽo.+
22 Vhavhi vha ḓo fheliswa kha ḽifhasi,+Vha re na tshimbevha vha ḓo tupulwa khaḽo.+
