Mirero 20:1-30
20 Waini ndi mugoḓi,+ halwa a vhu langei;+Ane a pambuswa ngazwo ho ngo ṱalifha.+
2 U ofhisa ha khosi hu fana na ndau* i vhombaho;+Ane a i sinyusa, u vhea vhutshilo hawe khomboni.+
3 Tshi hulisaho muthu ndi u ṱutshela phambano,+Fhedzi tsilu ḽi dzhenelela khadzo.+
4 Mubva ha limi vhuria,U ḓo vha a tshi khou humbela tshifhingani tsha khaṋo musi a si na tshithu.*+
5 Zwine muthu a humbula zwi nga maḓi a re tshisimani tsho tsaho,A kiwa nga a re na ṱhalukanyo.
6 Vhathu vhanzhi vha ḓivhadza lufuno lwavho lu sa shanduki,Fhedzi ndi nnyi ane a nga wana munna a fhulufhedzeaho?
7 Muvhuya u tshimbila nga u fhulufhedzea hawe.+
Hu takala vhana* vhane a vha beba.+
8 Musi khosi i tshi dzula kha khuluṋoni uri i haṱule,+I ṱolisisa vhuvhi hoṱhe nga maṱo ayo.+
9 Ndi nnyi ane a nga ri: “Ndo kunakisa mbilu yanga;+Ndo kuna a thi na tshivhi”?+
10 Zwileme na mielo ya vhufhura,*Vhuvhili hazwo zwi nengisa Yehova.+
11 Na ṅwana* u a ḓivhelwa zwiito zwawe,Hu sa londwi uri vhuḓifari hawe ho kuna na u tea.+
12 Nḓevhe ya u pfa na ḽiṱo ḽa u vhona,Vhuvhili hazwo zwo itwa nga Yehova.+
13 U songo funa khofhe, u sa ḓo vha mushai.+
Vula maṱo au, ndi hone u tshi ḓo fushwa nga zwiḽiwa.*+
14 Murengi u ri: “A si zwavhuḓi, a si zwavhuḓi!”
Nga murahu a ṱuwa, a zuwa nga ha ene muṋe.+
15 Hu na musuku na khoraḽa* nnzhi,Fhedzi mulomo u re na nḓivho ndi tshithu tsha ndeme.+
16 Dzhiela muthu tshiambaro arali o bvisa tsha u farisa a tshi itela mutsinda;+Mu dzhiele zwe a farisa arali o zwi itela mufumakadzi a re mutsinda.*+
17 Zwiḽiwa* zwo wanwaho nga vhufhura zwi a ḓifha musi muthu a tshi zwi ḽa,Fhedzi nga murahu mulomo wawe u ḓo ḓala muṱavha.+
18 Maano a ḓo bvelela* nga u eletshedzana,+Musi u tshi ya nndwani u wane vhulivhisi vhu bvaho kha o ṱalifhaho.+
19 Ane a tshinya vhaṅwe dzina u tshimbila a tshi dzumbulula mafhungo a tshiphiri;+Ni songo konana na ane a funa zwitshele.
20 Ane a sema khotsi awe na mme awe,U ḓo dzimelwa luvhone lwawe musi hu tshi ḓa swiswi.+
21 Ifa ḽo waniwaho nga tseḓaA ḽi nga ḓo vha na phaṱhutshedzo mafheleloni.+
22 U songo ri: “Ndi ḓo lifhedza vhuvhi!”+
Fhulufhela Yehova,+ u ḓo u tshidza.+
23 Zwileme zwa vhufhura* zwi nengisa Yehova,Na zwikalo zwa vhufhura a si zwavhuḓi.
24 Ṋayo dza muthu dzi livhiswa nga Yehova;+Muthu a nga pfesesa hani nḓila dzawe ene muṋe?*
25 Muthu u ḓiretshela tshikwekwe nga u ṱavhanyedza a ri, “Ndi tshikhethwa!”+
Nga murahu a elekanya nga ha zwe a ana.+
26 Khosi ya vhuṱali i fhefhera vhavhi+Ya vha kuyekanya nga tshiḽei tsha u fhula.+
27 Mufemo wa muthu ndi luvhone lwa Yehova,Lu vhonetshela mbilu.
28 Lufuno lu sa shanduki na u fhulufhedzea zwi tsireledza khosi;+Khuluṋoni yayo i khwaṱhiswa nga lufuno lu sa shanduki.+
29 Vhugala ha vhaṱhannga ndi nungo dzavho,+Lunako lwa vhakalaha ndi mmvi dzavho.+
30 Mavhadzi na mbonzhe zwi fhelisa vhuvhi,+U rwa zwi kunakisa mbilu.
Ṱhaluso dzi re magumoni a siaṱari
^ Kana “ndawana.”
^ Kana khamusi, “U ḓo ṱoḓa tshifhingani tsha khaṋo fhedzi ha nga wani tshithu.”
^ Thevhedz., “vharwa.”
^ Kana “Zwileme zwivhili zwa matombo zwo fhambanaho na zwikalo zwivhili zwo fhambanaho.”
^ Kana “mutukana.”
^ Thevhedz., “vhurotho.”
^ Sedzani Mutevhe Wa Ṱhalutshedzo Ya Maipfi.
^ Kana “itela mutsinda.”
^ Thevhedz., “Vhurotho.”
^ Kana “khwaṱha.”
^ Kana “Zwileme zwivhili zwa matombo zwo fhambanaho.”
^ Kana “nḓila ine a tea u tshimbila khayo?”
