Mirero 19:1-29
19 Ndi khwine u vha mushai u tshi fhulufhedzea+U fhira u vha tsilu ḽine ḽa amba mazwifhi.+
2 A si zwavhuḓi muthu a si na nḓivho,+Na ane a ṱavhanyela u ita zwithu u ita tshivhi.
3 Muthu u xedzwa nga vhutsilu hawe,A sinyutshela Yehova mbiluni yawe.
4 Lupfumo lu kunga khonani nnzhi,Fhedzi mushai u laṱwa na nga khonani dzawe.+
5 Ṱhanzi ya mazwifhi a i nga litshi u pfiswa vhuṱungu,+Na ane a zwifha tshifhinga tshoṱhe ha nga ponyoki.+
6 Vhanzhi vha ṱoḓa u takalelwa nga murangaphanḓa,*Na ane a ṋea zwifhiwa ndi khonani ya muṅwe na muṅwe.
7 Mushai u vhengwa nga vhoṱhe vhahawe;+Na khonani dzawe dzi a mu nyala!+
U vha sala murahu a tshi khou humbela thuso, fhedzi a hu na ane a mu fhindula.
8 Ane a vha na ṱhalukanyo u a ḓifuna.+
Ane a dzhiela nṱha ṱhalukanyo u ḓo bvelela.+
9 Ṱhanzi ya mazwifhi a i nga litshi u pfiswa vhuṱungu,Na ane a zwifha tshifhinga tshoṱhe u ḓo fheliswa.+
10 A zwo ngo tea uri tsilu ḽi tshile vhutshilo havhuḓi;Zwi fana na mushumeli a tshi vhusa vhakololo!+
11 Ṱhalukanyo ya muthu i ita uri a lenge u sinyuwa,+Ndi zwavhuḓi arali a sa zwi dzhieli nṱha musi a tshi khakhelwa.+
12 Mbiti dza khosi dzi fana na ndau* i vhombaho,+Fhedzi u takalelwa ngayo zwi nga ṅwando kha zwimela.
13 Ṅwana wa tsilu u ḓisela khotsi awe khombo,+Mufumakadzi ane a semana* u nga ṱhanga ine ya na.+
14 Nnḓu na lupfumo ndi ifa ḽi bvaho kha vhokhotsi,Fhedzi mufumakadzi o ṱalifhaho u bva kha Yehova.+
15 Vhubva vhu ḓisa khofhe khulu,Muthu ane a bvafha u ḓo fa nga nḓala.+
16 Ane a tevhedza ndaela ya Mudzimu ha nga fi;+Ane a si londe nḓila dzawe u ḓo fa.+
17 Ane a sumbedza vhuthu kha mushai u hadzima Yehova,+U ḓo mu lifhela* zwe a ita.+
18 Laya ṅwana wau hu tshi kha ḓi vha na fhulufhelo,+Uri u si vhe na mulandu musi a tshi fa.+
19 Muthu wa mbiti u ḓo lifha;Arali wa mu litsha, u ḓo ḓi dzulela u zwi ita.+
20 Thetshelesa nyeletshedzo, u ṱanganedze ndayo,+Uri u thanye tshifhingani tshi ḓaho.+
21 Mbiluni ya muthu hu na maano manzhi,Fhedzi nyeletshedzo ya Yehova ndi yone ine ya ḓo bvelela.*+
22 Tshithu tshi tamisaho kha muthu ndi lufuno lwawe lu sa shanduki;+Zwi khwine u vha mushai nṱhani ha u vha muzwifhi.
23 U ofha Yehova zwi isa vhutshiloni;+Ane a mu ofha u ḓo awela zwavhuḓi, hu si na khombo.+
24 Mubva u dzhenisa tshanḓa tshawe tshigoḓeloni,Fhedzi u bvafha u tshi humisela mulomoni wawe.+
25 Mugoḓi nga a rwiwe,+ uri a si na tshenzhelo a ṱalifhe,+Wa ṱhalukanyo a kaidzwe, uri nḓivho yawe i engedzee.+
26 Ane a fara luvhi khotsi awe na u pandela mme aweNdi ṅwana a shonisaho na a nyadzisaho.+
27 Ṅwananga, arali wa litsha u thetshelesa ndayo,U ḓo pambuwa kha maipfi a re na nḓivho.
28 Ṱhanzi i sa vhuyedzi tshithu i goḓa khaṱhulo yo teaho,+Mulomo wa muvhi u mila vhuvhi.+
29 Vhagoḓi vho lindelwa nga khaṱhulo,+Miṱana ya matsilu yo lindela u rwiwa.+
