Mirero 4:1-27
4 Vhananga, thetshelesani ndayo ya khotsi;+Thetshelesani uri ni wane ṱhalukanyo,
2 Ngauri ndi ḓo ni ṋea ndayo yavhuḓi;Ni songo ṱutshela pfunzo* yanga.+
3 Ndo vha ndi murwa a thetshelesaho wa khotsi anga+Na we a vha a tshi funwa nga maanḓa nga mme anga.+
4 Khotsi anga o mpfunza a ri: “Ngavhe mbilu yau i tshi vhulunga maipfi anga.+
Uri u tevhedze ndaela dzanga u tshile.+
5 U wane vhuṱali na ṱhalukanyo.+
U songo hangwa, u songo pambuwa kha zwe nda amba.
6 U songo zwi laṱa, zwi ḓo u tsireledza.
Zwi fune, zwi ḓo u linda.
7 Vhuṱali ndi tshone tshithu tsha ndeme vhukuma,+ ngauralo wana vhuṱali,Kha zwoṱhe zwine wa ḓo zwi wana, wana ṱhalukanyo.+
8 I dzhiele nṱha, i ḓo u hulisa.+
I ḓo u hulisa ngauri wo i kuvhatedza.+
9 I ḓo u ambadza khare yavhuḓi ṱhohoni yau;I ḓo u ambadza khare yo nakaho.”
10 Ṅwananga, thetshelesa u ṱanganedze zwine nda amba,Ndi hone miṅwaha ya vhutshilo hau i tshi ḓo vha minzhi.+
11 Ndi ḓo u funza nḓila ya vhuṱali;+Ndi ḓo u isa nḓilani dzo lugaho.+
12 Musi u tshi khou tshimbila, milenzhe yau a i nga fashiwi;Musi u tshi gidima, a u nga khukhulwi.
13 Farelela ndayo; u songo i litsha.+
I linde, ngauri ndi yone vhutshilo hau.+
14 U songo fara nḓila ya vhavhi,U songo tshimbila nḓilani ya vhavhi.+
15 I furalele, u songo tshimbila khayo;+Ṱutshela kule hayo, u i fhire.+
16 Ngauri a vha eḓeli vha songo ita vhuvhi.
Khofhe dzavho a dzi fari vha songo wisa muthu.
17 Vha ḽa vhurotho ha vhuvhi,Vha nwa waini ya dzikhakhathi.
18 Fhedzi nḓila ya vhavhuya i nga tshedza tsha nga matsheloniTshine tsha ḓi penya tshi tshi ya u swika masiari tshivhangalala.+
19 Nḓila ya vhavhi i nga swiswi;A vha ḓivhi tshine tsha vha khukhula.
20 Ṅwananga, thetshelesa zwine nda amba;U thetshelese nga vhuronwane* zwine nda amba.
21 Zwi songo u xela-xela;U zwi vhulunge mbiluni yau,+
22 Ngauri zwi ṋea vhutshilo vhane vha zwi wana+Na mutakalo muvhilini wavho woṱhe.
23 Kha zwoṱhe zwine wa zwi linda, u lindese mbilu yau,+Ngauri ndi yone tshisima tsha vhutshilo.
24 Vhufhura vhu vhe kule na iwe,+Mazwifhi a vhe kule na iwe.
25 Maṱo au a fanela u sedza phanḓa,U lavhelese zwi re phanḓa hau.+
26 Lugisa hune milenzhe yau ya ḓo tshimbila hone,+Nḓila dzau dzoṱhe dzi ḓo vha dzavhuḓi.
27 U songo pambutshela thungo ya tsha u ḽa kana ya tsha monde.+
Milenzhe yau i shavhe zwithu zwivhi.
