Mirero 16:1-33
16 Muthu u vhamba maano mbiluni yawe,Fhedzi phindulo ine a i ṋea i bva ha Yehova.+
2 Nḓila dzoṱhe dza muthu dzi vhonala dzo luga khae,+Fhedzi Yehova u ṱolisisa zwiṱuṱuwedzi zwawe.+
3 Kumedzela Yehova zwoṱhe zwine wa ita,+Maano au a ḓo bvelela.
4 Yehova o ita zwithu zwoṱhe a tshi itela uri hu itee zwine a funa,Na vhavhi vho vhetshelwa ḓuvha ḽa khombo.+
5 Ane a ḓihudza mbiluni yawe u nengisa Yehova.+
Ivhani na vhungoho ha uri u ḓo pfiswa vhuṱungu.
6 Nga lufuno lu sa shanduki na u fhulufhedzea, vhukhakhi vhu ḓo pfumelelwa,+Muthu u ṱutshela zwivhi nga u ofha Yehova.+
7 Musi Yehova a tshi takadzwa nga nḓila dza muthu,U ita uri maswina awe a vhe na mulalo nae.+
8 Khwine ndi u vha na zwiṱuku hu na zwivhuya+Nṱhani ha u vha na tshelede nnzhi hu si na khaṱhulo yo teaho.+
9 Muthu a nga vhamba maano mbiluni yawe,Fhedzi ndi Yehova ane a livhisa milenzhe yawe.+
10 Phetho yo hevhedzwaho* i fanela u vha mulomoni wa khosi;+I songo vhuya ya haṱula nga nḓila i songo teaho.+
11 Tshikalo tshi sa fhuri ndi tsha Yehova;Mielo yoṱhe i re mukhwamani ndi mishumo yawe.+
12 Zwiito zwivhi zwi nengisa mahosi,+Ngauri khuluṋoni i khwaṱhiswa nga zwivhuya.+
13 Mafhungo mavhuya a takadza mahosi.
Mahosi a funa ane a amba ngoho.+
14 Mbiti dza khosi dzi fana na muḓinḓa wa lufu,+Fhedzi wa vhuṱali u a dzi dzikisa.*+
15 Phanḓa ha tshifhaṱuwo tsho tshaho tsha khosi hu na vhutshilo;U takala hayo hu fana na gole ḽa mvula ya luṱavula.+
16 Zwi ḓo vha khwine lungafhani u wana vhuṱali nṱhani ha musuku!+
U vha na ṱhalukanyo zwi khwine u fhira u vha na siḽiva.+
17 O lugaho u iledza nḓila mmbi.
Ane a tsireledza nḓila yawe u tshidza vhutshilo hawe.+
18 U ḓikukumusa hu ita uri muthu a we,Muya wa u ḓihudza u ita uri muthu a khukhulwe.+
19 Khwine ndi u ḓiṱukufhadza vhukati ha vho vuḓaho+Nṱhani ha u kovhekana zwo thubiwaho zwa vhane vha ḓihudza.
20 A re na ṱhalukanyo kha mafhungo u ḓo bvelela,Hu takala ane a fhulufhela Yehova.
21 O ṱalifhaho mbiluni u na ṱhalukanyo,+Ane a amba nga vhulenda u na vhukoni ha u ungeledza.+
22 Ṱhalukanyo ndi tshisima tsha vhutshilo kha vhane vha vha nayo,Fhedzi matsilu a kaidzwa nga vhutsilu hao.
23 Mbilu ya wa vhuṱali i ṋea mulomo wawe ṱhalukanyo+Ya ita uri zwine a zwi amba zwi ungeledze.
24 Mafhungo a takadzaho ndi mutoli wa ṋotshi,A a ḓifha, a fhodza marambo.+
25 Hu na nḓila ine muthu a vhona yo luga,Fhedzi i tshi isa lufuni.+
26 Nḓala ya mushumi wa biko i ita uri a shumeseNgauri mulomo wawe u mu ṱuṱuwedzela uri a ite nga u ralo.+
27 Wa zwiito zwi sa ḓivhalei u ṱoḓa zwithu zwivhi;+Zwine a zwi amba zwi fana na mulilo u dugaho.+
28 A re na khakhathi u ita uri hu vhe na phambano.+
Ane a tshinya vhaṅwe dzina u luṱanya khonani dza tsini-tsini.+
29 Munna wa khakhathi u kunga muhura waweA mu isa nḓilani i si yavhuḓi.
30 U sunyedza musi a tshi vhamba maano a u huvhadza.
U muma mulomo wawe musi a tshi khou vhamba maano mavhi.
31 Mmvi ndi khare ya lunako*+Musi dzi tshi wanwa nḓilani ya zwivhuya.+
32 Ane a lenga u sinyuwa+ u khwine u fhira munna wa maanḓa,Ane a langa mbiti dzawe u khwine u fhira ane a kunda muḓi.+
33 Deṅwa ḽi mvaṱa ḽi tshi bva kha tshirumbi,+Fhedzi phetho iṅwe na iṅwe yaḽo i bva ha Yehova.+
