Mirero 5:1-23
5 Ṅwananga, thetshelesa zwa vhuṱali hanga.
Thetshelesa nga vhuronwane* zwa ṱhalukanyo yanga,+
2 Uri u kone u tsireledza vhukoni hau ha u humbulaNa u tsireledza nḓivho nga mulomo wau.+
3 Ngauri mulomo wa mufumakadzi wa zwiito zwi sa ḓivhalei u sisima sa mutoli wa ṋotshi,+Mulomo wawe u suvhelela u fhira mapfura.+
4 Fhedzi nga murahu u nga tshimela tshi kalakataho.*+
U tshea sa banga ḽa mutshea-hoṱhe.+
5 Milenzhe yawe i tsela lufuni.
Ṋayo dzawe dzi isa Vhiḓani.*
6 Ha na ndavha na nḓila i yaho vhutshiloni.
U sokou tendeleka, ha ḓivhi hune a ya hone.
7 Vhananga, zwino nthetsheleseniNi songo ṱutshela zwine nda amba.
8 Sendelani kule hawe;Ni songo sendela tsini na muṋango wa nnḓu yawe,+
9 Uri ni sa ḓo nyadziwa nga vhaṅwe+Kana na fhedza miṅwaha yaṋu ni tshi khou tambula;+
10 Uri vhatsinda vha si ḽe lupfumo* lwaṋu+Zwe na zwi shumela zwa ya nḓuni ya mutsinda.
11 Zwa sa ralo, ni ḓo gomela musi ni tsini na u faMusi muvhili waṋu wo no tshinyala+
12 Na ri: “Ndo hana ndayo!
Mbilu yanga yo nyadza u kaidzwa!
13 A tho ngo thetshelesa ipfi ḽa vhafunzi vhangaKana u thetshelesa vho mpfunzaho.
14 Ndo no vha tsini-tsini na u wela khomboniVhukati ha tshivhidzo tshoṱhe.”*+
15 Inwa maḓi a tshisima tshauNa maḓi a elelaho a tshi bva kha tshisima tshau.+
16 Naa zwisima zwau zwi fanela u elela zwi tshi ya nnḓa,Na milambwana yau i tshi ya khoroni?+
17 Nga zwi vhe zwau u woṱhe,Zwi songo vha zwa vhatsinda.+
18 Ngavhe tshisima tshau tshi tshi fhaṱutshedzwa,Ngavhe u tshi takala na mufumakadzi wa musi u tshee muswa,+
19 Ane a nga ntsa i funwaho, mbudzi yavhuḓi ya thavha.+
Ngavhe maḓamu awe a tshi u fusha tshifhinga tshoṱhe.
Ngavhe lufuno lwawe lu tshi u takadza misi yoṱhe.+
20 Ṅwananga, ndi ngani u tshi fanela u takadzwa nga mufumakadzi wa zwiito zwi sa ḓivhaleiKana u kuvhatedza mufumakadzi wa u ḓifara luvhi?+
21 Ngauri nḓila dza muthu dzi vhonwa nga Yehova;U ṱolisisa nḓila dzawe dzoṱhe.+
22 Muvhi u fashwa nga vhukhakhi hawe,U ḓo vhofhiwa nga thambo dza tshivhi tshawe.+
23 U ḓo fa nga u shaya ndayo,A xela nga vhutsilu hawe ho kalulaho.
