Mirero 3:1-35
3 Ṅwananga, u songo hangwa pfunzo* yanga,Ngavhe mbilu yau i tshi tevhedza ndaela dzanga,
2 Ngauri dzi ḓo u engedzela maḓuvha manzhiDza u engedzela miṅwaha ya vhutshilo na mulalo.+
3 U songo tenda lufuno lu sa shanduki na ngoho zwi tshi u ṱutshela.+
U zwi vhofhelele mukuloni wau;U zwi ṅwale mbiluni yau vhunga kha mbaba dza matombo;+
4 Ndi hone u tshi ḓo takalelwa wa vha na ṱhalukanyoPhanḓa ha Mudzimu na vhathu.+
5 Fhulufhela Yehova+ nga mbilu yau yoṱhe,U songo ḓitika nga ṱhalukanyo yau.+
6 U mu humbule nḓilani dzau dzoṱhe,+U ḓo u lugiselela nḓila dzau.+
7 U songo ḓidzhia sa o ṱalifhaho.+
Ofha Yehova, u litshe vhuvhi.
8 Zwi ḓo ita uri u vhe na mutakalo wavhuḓiZwa homolosa muvhili* wau.
9 Hulisa Yehova nga zwithu zwau zwa ndeme,+Nga zwiranzhe* zwa zwibveledzwa zwau zwoṱhe;+
10 Ndi hone nnḓu dzau dza u vhulungela zwithu dzi tshi ḓo ḓala,+Na nkho* dzau dza tou fhufhuma nga waini ntswa.
11 Ṅwananga, u songo hana ndayo ya Yehova,+U songo mu nyadza musi a tshi u kaidza,+
12 Ngauri Yehova u kaidza vhane a vha funa,+U fana na khotsi a tshi kaidza murwa ane a mu takalela.+
13 Hu takala muthu ane a wana vhuṱali+Na muthu ane a wana ṱhalukanyo;
14 U wana ṱhalukanyo zwi khwine u fhira siḽiva,U vhuyelwa ngayo zwi fhira u vha na musuku.+
15 Ndi ya ndeme u fhira khoraḽa;*A hu na tshine na nga tshi tama tshine tsha nga vhambedzwa nayo.
16 U lalama hu kha tshanḓa tshayo tsha u ḽa;Lupfumo na vhugala zwi kha tshanḓa tshayo tsha monde.
17 Nḓila dzayo ndi dzavhuḓi,Nḓila dzayo dzoṱhe ndi dza mulalo.+
18 Ndi muri wa vhutshilo kha vhoṱhe vhane vha i wana,Na vhane vha dzula vho i farelela vha a takala.+
19 Yehova o thea ḽifhasi nga vhuṱali.+
Ḽiṱaḓulu o ḽi adza ḽa khwaṱha nga ṱhalukanyo.+
20 Nḓivho yawe yo fhandekanya mativhaNa makole a rotha ṅwando.+
21 Ṅwananga, u songo tenda zwi tshi ṱuwa phanḓa hau.*
U tsireledze vhuṱali na vhukoni ha u humbula;
22 Zwi ḓo u ṋea vhutshiloZwa nakisa mukulo wau;
23 Ndi hone u tshi ḓo tshimbila nḓilani yau wo tsireledzea,Na mulenzhe wau a u nga vhuyi wa khukhulwa.*+
24 Musi u tshi eḓela, a u nga ofhi;+U ḓo eḓela, khofhe dzau dza ḓifha.+
25 A u nga ofhi naho tshi tshini tshi ofhisaho+Kana khombo ine ya ḓo ḓela vhavhi.+
26 Ngauri Yehova u ḓo vha fhulufhelo ḽau;+U ḓo tsireledza mulenzhe wau uri u si fashwe.+
27 U songo dzima vhathu zwivhuya zwo vha teaho+Arali zwi maanḓani au uri u thuse.+
28 U songo amba na muhura wau wa ri: “Ṱuwa; u vhuye nga murahu! Ndi ḓo u ṋea matshelo,”Ngeno u tshi nga kona u mu ṋea zwino.
29 U songo vhamba maano a u vhaisa muhura wau+Ngeno a tshi pfa o tsireledzea musi e na iwe.
30 U songo sokou lwa na muthu hu si na tshiitisi+Arali a songo u levhela.+
31 U songo tama wa dzikhakhathi+Kana wa fara nḓila dzawe,
32 Ngauri Yehova u vhenga wa vhufhura,+Fhedzi U vha khonani ya tsini-tsini na o lugaho.+
33 Nnḓu ya muvhi yo semiwa nga Yehova,+Fhedzi u fhaṱutshedza nnḓu ya o lugaho.+
34 Ngauri u goḓa vhagoḓi,+Fhedzi u khathutshela vho vuḓaho.+
35 Vha vhuṱali vha ḓo huliswa,Fhedzi vha matsilu vha ḓo nyadziwa.+
Ṱhaluso dzi re magumoni a siaṱari
^ Kana “mulayo.”
^ Thevhedz., “marambo.”
^ Kana “zwa khwine-khwine.”
^ Kana “hune ha sukiwa nḓirivhe.”
^ Sedzani Mutevhe Wa Ṱhalutshedzo Ya Maipfi.
^ Zwi tou vha khagala uri zwi khou ambela kha zwine Mudzimu a vha zwone zwo ambiwaho kha ndimana dzo fhiraho.
^ Kana “khukhulwa nga tshithu.”
