Isaya 26:1-21
26 Keteke liaco, ku ka imbiwa ocisungo cimue+ kofeka yo Yuda+ cokuti:
“Tu kuete olupale lumue lua pama.+
Eye* o popela ovimbaka vialio kuenda olombindikiyo vialio.+
2 Yululi olombundi+ oco ofeka yesunga yi iñile,Ofeka yina okuti yi kasi oku amamako oku lekisa ovituwa via sunguluka.
3 Ove o ka teyuila vana va kolela lutima wosi kokuove;*Ove o ka eca kokuavo ombembua ka yi pui,+Momo ovo va kolela kokuove.+
4 Koleli ku Yehova otembo yosi,+Momo Yehova, Yehova eye Handa ka pui.+
5 Momo eye wa kutisa osõi vana va tunga kocitumãlo ca lepa okuti, kolupale lua lepa.
Eye o lu kutisa osõi,Eye o lu lokisa toke kilu lieve;Eye o lu imba voneketela.
6 Oyo yi ka kosiwa,Lovolu olosuke, lovolu a vana vomboka.”
7 Onjila ya vakuesunga ya suñama.
Momo ove wukuesunga,Ove o ka tapikisa onjila ya vakuesunga.
8 Osimbu tu kuama onjila yasombiso ove, A Yehova,Elavoko lietu li kasi kokuove.
Tu lavoka vonduko yove kuenda vonjivaluko yove.*
9 Luteke ndu ku sanda lutima wange wosi,Ocili, lonjongole yalua ndi amamako oku ku sandiliya;+Momo, eci ove o sombisa ilu lieve,Olonungi viofeka vi lilongisa eci catiamẽla kesunga.+
10 Ndaño ku lekisiwa ohenda kondingaĩvi,Oyo ka yi ka lilongisa esunga.+
Ndaño vofeka ya vakuesunga,* oyo yi ka lingilamo ungangala,+Kuenje oyo ka yi ka mola ulamba wa Yehova.+
11 A Yehova, eka liove lia katuka, pole, ovo ka va li lete.+
Ovo va ka mola ombili o kuetele omanu vove kuenda va ka kutisiwa osõi.
Ocili okuti, ondalu ya pongiyiwila ovanyãli vove yi ka va lia.
12 A Yehova, ove o ka tu ĩha ombembua,+Momo ovina viosi tua siata oku linga,Ove wa tu vi tẽlisila.
13 A Yehova a Suku yetu, vacime vakuavo va tu viala okuti, haveko lika,+Pole, tu sivaya lika onduko yove.+
14 Ovo va fa; ka va ka kala vali lomuenyo.
Ka va kuete unene kolofa, ka va ka pinduka.+
Momo ove wa va sombisaOco o va nyõle kuenda oku kundula onjivaluko yavo.
15 A Yehova, ove wa vokiya ofeka,Wa vokiya ofeka;Ove wa lekisa ulamba kokuove muẽle.+
Ove wa vokiya calua olongave viofeka yilo.+
16 A Yehova, vokuenda kuohali, ovo va lupukila kokuove;Ovo va likutilila vutima eci ove wa va pindisa.+
17 Ndeci ukãi umue wemina a kuatiwa lolongembia vioku cita,Loku kuata evalo lialua kuenda oku kaluka omo lievalo,Cimuamue haico, ci pita letu omo liove, A Yehova.
18 Tua mina, tua kuata olongembia vialua,Pole, ci kasi ndu okuti tua cita ofela.
Ka tua nenele epopelo kofeka,Kuenda lomue wa citiwa oco a tunge vofeka.
19 “Ovivimbi viove vi ka kala lomuenyo.
Ovivimbi* viange vi ka pinduka.+
Pasuki kuenda kaluki lesanju,Ene wa tungi voneketela!+
Momo owume wene u sokisiwa lowume womẽle,*Kuenda ilu lieve li ka ecelela okuti vana va fa, va kala vali lomuenyo.
20 Kuendi amanu vange, iñili volohondo viene,Kuenda yiki apito konyima yene.+
Lisalami vokuenda kuokatembo kamueToke eci onyeño yi pita.+
21 Tali! Yehova o kasi oku tunda kocitumãlo cayeOco a sombise olonungi viofeka yilo omo lieko liavo,Kuenda oku pesiwa kuosonde vofeka, ku ka situluiwaKuenje ka yi ka sikĩlĩla vali ovivimbi viayo.”
Atosi Pombuelo
^ Ci lekisa okuti, ondaka “Eye” yi tiamisiwila ku Suku.
^ Ale pamue, “vana vamamako oku lekisa ekalo liwa.”
^ Okuti, Suku kuenda onduko yaye yi ivalukiwa loku kũlĩhĩwa.
^ Ale “ceci ca sunguluka.”
^ Lit., “Ocivimbi cange.”
^ Ale pamue, “owume wovikũla vi talala (olombi).”
