Isaya 54:1-17
54 “Kaluka lesanju ove ukãi osiũle una ka la cita!+
Sanjuka kuenda kaluka lonjolela,+ ove kua la yeva olongembia vioku cita,+Momo omãla vukãi wa siwa, valuapo valiOkuti omãla vukãi o kuete ulume* va sule,”+ oco Yehova a popia.
2 “Vokiya ocitumãlo combalaka yove.+
Nyanyumũla olonanga viombalaka yotavernakulu yove yinene.
Ku ka lipolepo, vokiya ikolo viombalaka,Kuenda pamisa olopeleko viombalaka yove.+
3 Momo ove o ka lisanduila kondio kuenda kepĩli.
Ocitumbulukila cove ci ka piñala olofeka,Kuenda ci ka tunga kalupale a sialele alunda.+
4 Ku ka kuate usumba,+ momo ove ku ka kutisiwa osõi;+Kuenda ku ka kuate osõi, momo ove ku ka sumuisiwa.
Momo o ka ivalako osõi yovumalẽhe wove,Kuenda ku ka ivaluka vali esepu liumbumba wove.”
5 “Momo Una Unene wa ku panga+ o kasi ndulume* wove,+Yehova ukualohoka, oyo onduko yaye,Kuenda Una o Kola wa Isareli eye Upopeli wove.+
Eye o ka tukuiwa hati, Suku yilu lieve liosi.+
6 Momo Yehova wa ku vilikiya ndu okuti, ove wa kala ukãi umue wa yandulukiwa haeye wa talisiwa ohali,*+Ndukãi umue wa kuela vumalẽhe kuenda wa yandulukiwa,” oco Suku yove a popia.
7 “Vokatembo kamue ame nda ku yanduluka,Pole, lohenda yalua ndi ka ku nena vali.+
8 Lonyeño yalua nda sitika ocipala cange kokuove vokatembo kamue,+Pole, locisola ka ci pongoloka cina ci kala otembo ka yi pui, ndi ka lekisa ohenda kokuove,”+ oco Upopeli wove+ Yehova a popia.
9 “Kokuange eci ci kasi ndoloneke via Noha.+
Ndeci nda lisila okuti ovava o koloneke via Noha lalimue eteke a ka sitika vali ongongo,+Ndi lisilavo okuti, lalimue eteke ndi ka ku kuatela vali onyeño ndaño oku ku yambula.+
10 Momo olomunda vi pondola oku sondoluiwa,Kuenda oviwulu vi pondola oku sengiwa,Pole, ocisola cange ka ci pongoloka lalimue eteke cupiwa kokuove,+Ndaño ocisila cange combembua, ka ci sengiwa,”+ oco Yehova una o ku kuetele ohenda a popia.+
11 “Okãi wa sumua,+ wa sakumuĩwa lehunguhungu haive kua lembelekiwile,+Ndi kapa ociseveto cove lovawe kuenda onata ya kõlaKuenda ociseveto cove lo safira.+
12 Ndi ka linga avindikiyo ocimbaka cove lovawe o rubi,Olombundi viove lovawe a ngelẽla,*Kuenda olongave viove viosi lovawe a tĩla.
13 Omãla vove vosi va ka longisiwa la Yehova,+Kuenda ombembua yomãla vove yi ka lua.+
14 Ove o ka sevetiwa vesunga.+
O ka kala kupãla lelambalalo,+Ku ka kuatela usumba cimue kuenda ku ka kuata esunga lioku kuata usumba,Momo, owo ka u ka amela kokuove.+
15 Nda umue wa ku katukila,Hameko nda ci handeleka.
Wosi o ku katukila, o ka nyõliwa mekonda liove.”+
16 “Tala! Ame muẽle nda lulika omesele,Una o pepelela akala ondalu,Haeye o panga uta umue ndonima yupange waye.
Ame muẽle nda pangavo ukuakunyõla oco a nene ekundu.+
17 Lacimue ocimalẽho ca pangiwila oku ku katukila ci ku linga cimue,+Kuenda ove o ka pisa elimi liosi li ku katukila vekanga limue.
Eci oco ocipiñalo cakuenje va Yehova,Kuenda esunga liavo li tunda kokuange,” oco Yehova a popia.+
