Isaya 6:1-13
6 Kunyamo Soma Usiya a fa,+ nda mola Yehova okuti, wa tumãla kocalo ca kemãla haico ca lepa+ kuenda asusu uwalo waye a yukisa onembele.
2 Kilu liaye kua kala va Serafi; u Serafi lu Serafi, wa kuatele avava epandu. U Serafi* lu Serafi wa sikĩlĩla ocipala caye lavava avali, wa sikĩlĩla ovolu lavava avali kuenda wa palãla lavava avali.
3 Kuenje va li kalukila pokati vati:
“Okola, okola, okola Yehova ukualohoka.+
Ilu lieve liosi lieyuka ulamba waye.”
4 Kuenje ovikuli viovivelo via luluma locileñi ca vana va kaluka lolukandi* kuenda onjo yeyukisiwa+ lowisi.
5 Noke nda popia siti: “Ngongo yange we!
Oku popia muẽle ocili, nda fa* ale,Momo ndimunu umue ukuamẽla wa vĩha;Kuenda ndi kasi pokati komanu vakuavimẽla via vĩha;+Momo ovaso ange a mola Soma okuti, Yehova ukualohoka!”
6 Noke umue pokati ka va Serafi wa palãla toke kokuange kuenda peka liaye pa kala ekala liondalu lina+ eye opa kutala locikete.+
7 Eye wa lamba komẽla wange kuenda wa popia hati:
“Tala! Olio lia lamba komẽla wove.
Eko liove lia ku upiwa,Kuenda ekandu liove lia tuvikiwa.”
8 Noke nda yeva ondaka ya Yehova yiti: “Helie numa kuenda helie o tu endelako?”+ Kuenje nda popia siti: “Ame ulo! Va nume ño!”+
9 Noke, eye wa tambulula hati: “Kuende kuenje sapuila omanu ava hoti:
‘Ene vu ka yeva olonjanja vialua,Pole, ka vu ka kuata elomboloko;Ene vu ka mola olonjanja vialua,Pole, ka vu ka kuata ukũlĩhĩso.’+
10 Tĩlisa utima womanu ava,+Kuenda sitika ovatũi avo,Loku sitika ovaso avo muẽle+Oco okuti ka va moli lovaso avoNdaño oku yeva lovatũi avo,Oco okuti utima wavo ka u kuata elombolokoKuenje ovo ka va ka ñualapo oco va sakuiwe.”+
11 Noke nda pula siti: “Toke eteke lipi, A Yehova?” Kuenje eye hati:
“Toke eci alupale a nyõliwa okuti a siala ovingululu kuenda ka mu kala olonungiKuenda volonjo ka mu kala omanuKuenje ofeka yi siala upolokoso kuenda ekalasoko;+
12 Toke eci Yehova a tundisa omanu loku va tuma kupãlaKuenda ekalasoko liofeka li livokiya calua.+
13 “Pole, handi ku ka kala onepa yekũi kuenda oyo yi ka timĩhiwa vali nduti umue unene kuenda nduti wo karvaliu okuti, noke lioku tetiwa ku siala ocisingi cimue; ocisingi caco ci ka kala ocitumbulukila* ci kola.”
Atosi Pombuelo
^ Lit., “Eye.”
^ Lit., “ondaka ya una o vilikiya.”
^ Lit., “nda nyõliwa.”
^ Ale “ombuto.”

