Isaya 20:1-6
-
Ondimbukiso yoku katukila o Egito kuenda o Etiopia (1-6)
20 Kunyamo Soma Sarigono wo ko Asuria a tuma Taritane ko Asidode,+ Taritane wa yaka lo Asidode kuenda wa yi tambula.+
2 Kotembo yaco, ondaka ya Yehova yeya ku Isaya+ omõla a Amose yiti: “Kuende, lula ocikelẽyi co vombunda yove loku lula olohaku kolomãhi viove.” Kuenje eye wa ci linga, wa enda epõlõla* kuenda wa enda okuti ka walele olohaku.
3 Noke Yehova wa popia hati: “Ndeci ukuenje wange Isaya a siata oku enda epõlõla loku enda okuti ka walele olohaku vokuenda kuanyamo atatu ndondimbukiso+ kuenda ndelungulo lieci ci ka pita lo Egito+ kuenda o Etiopia,+
4 cimuamue haico okuti, soma yo Asuria o ka songuila olomandekua vio ko Egito+ kuenda vio ko Etiopia, ci kaile akuenje ale alume va kuka, va enda epõlõla, vana ka va walele olohaku kuenda vana va molẽhisa atako avo okuti, epõlõla* Liegito.
5 Kuenje ovo va ka yokoka kuenda va ka kuata osõi omo lio Etiopia okuti oyo elavoko liavo kuenda o Egito okuti, oyo ulamba* wavo.
6 Olonungi vi lisungue lokalunga keteke liaco, vi ka popia viti: ‘Tali eci ca pita lelavoko lietu, kuna tua tilila oku sanda ekuatiso kuenda oku yovuiwa kosoma yo Asuria! Cilo tu puluka ndati?’”
