Isaya 24:1-23
24 Tali! Yehova o kasi oku tundisa vosi vofeka kuenda o lingisa okuti oyo yi siala upolokoso.+
Eye o yi lingisa okuti yi viluka*+ kuenda oku sandola olonungi vialio.+
2 Cimuamue haico ci ka pita lomanu vosi okuti:
Komanu kuenda kocitunda,Kupika kuenda kucime caye,Kupika wukãi kuenda kucime caye cukãi,Kukuakulanda kuenda kukuakulandisa,Kukuakueca kuenda kukuakupinga,Kukuakulevalisa kuenda kukuakulevala.+
3 Cosi ci kasi vofeka ci ka tundisiwamo muẽleOfeka yaco yi ka pundiwa olumue,+Momo Yehova eye wa popia ondaka yaco.
4 Ofeka yi kasi oku lila;*+ yi kasi oku hongua.
Osi yima ciwa yi hongua; yi kasi oku imũha.
Omanu va kemãla vo vofeka va hongua.
5 Ofeka ya vĩha omo liolonungi vialio,+Momo ovio ka via kapeleko ovihandeleko,+Ovio via pongolola oviholo,+Kuenda via lueya ocisila cotembo ka yi pui.*+
6 Eli olio esunga lieci esiñalo li lila ofeka eyi,+Kuenda vana va tungamo va tendiwa okuti va kuete eko.
Eli olio esunga lieci olonungi viofeka via tepulukila,Kuenda pa supa lika omanu vatito.+
7 Ovinyu yokaliye yi sumua,* uti wukuyu uwuka,+Kuenda vosi vana va kuete utima wesanju va kasi oku luluma.+
8 Esanju liolopandelu lia puako;Onjuela ya vana va enda oku linga ovipito ya pua;Ocileñi cesanju cohalupa ca imũha.+
9 Ka va nyui vali ovinyu loku imba ocisungo,Kuenda ovinyua vi koluisa, vi lula ku vana va vi nyua.
10 Olupale lua siwa upolokoso, lua nyõleha;+Olonjo viosi via yikiwa oco okuti, lomue iñilamo.
11 Ovo va kaluka lolukandi volokololo omo okuti ka muli ovinyu.
Onjolela yosi ya imũha;Esanju liofeka lia sulila.+
12 Olupale lua siala ovingululu;Ombundi ya siala ondunda yovimalañanya.+
13 Momo eci oco ci ka pita vofeka pokati komanu:
Omanu vange pokati kofeka, pokati komanu, va ka kala ndovisupe vio vuti woliveira,+Kuenda ndoku pupulula kesulilo lioku ungula ayuva.+
14 Ovo va ka votola ondaka yavo,Va ka kaluka lesanju.
Oku upisa kokalunga* ovo va ka sapula ulamba wa Yehova.+
15 Eli olio esunga lieci va ka sivayela Yehova vofeka yocinyi;*+Kovifuka viokalunga, va ka sivaya onduko ya Yehova Suku ya Isareli.+
16 Tunde kasulilo o kilu lieve tua yeva ovisungo viokuti:
“Ulamba* ku Una Ukuesunga!”+
Pole, ndi popia siti: “Ñasi oku hongua, ñasi oku hongua!
Ngongo yange we! Vakuelimbi va lekisa elimbi;Lelimbi, vakuelimbi va lekisa elimbi.”+
17 Alonungi viofeka, usumba, ovitunu kuenda olonjanjo vi kasi oku vu lavekeli.+
18 Wosi una o tila ocileñi cocinjoko, o ka kupukila vocitunu,Kuenda wosi o tunda vocitunu o ka kuatiwa vonjanjo.+
Momo olombundi viovava kilu vi ka yikuka,Kuenje oviseveto viofeka vi ka luluma.
19 Ofeka ya tepiwa pokati;Ofeka ya sakumuĩwa;Ofeka ya tuñunyiwa lungangala.+
20 Ofeka yi kasi oku yengenga ndomunu umue wa kolua,Kuenda oyo yi telela oku loko ndocipundo vofela.
Eko liayo lia linga ocilemo kokuayo,+Kuenda oyo yi ka kupuka okuti, ka yi katuka vali.
21 Keteke liaco, Yehova o ka ivaluka olohoka vio kiluKuenda olosoma vio kilu lieve, vi kasi kilu lieve.
22 Kuenje ovo va ka kongeliwa pamosiNdolomandekua via kongeliwa vocitunu cimue,Kuenda ovo va ka kapiwa vokayike;Noke lioloneke vialua va ka ivalukiwa vali.
23 Osãi ya linga ongalo yi ka kuata osõi,Kuenda ekumbi li nina li ka kuata osõi,+Momo Yehova ukualohoka wa linga Osoma+ Komunda Siono+ kuenda ko Yerusalãi,Ulamba waye wa situluiwa kovaso yakulu vomanu vaye.*+
Atosi Pombuelo
^ Ale “ongongo.”
^ Ale pamue, “oku kukuta.”
^ Ale “cosimbu.”
^ Ale pamue, “yi kukuta.”
^ Ale “kutakelo.”
^ Ale “kutundilo.”
^ Ale “Oku posuisa.”
^ Lit., “kovaso yakulu vaye.”
