Isaya 47:1-15
47 Loka kuenda tumãla voneketela,Ove amõla ufeko wosombo wa Bavulono.+
Tumãla posi, pana ka pali ocalo,+Amõla ufeko wa va Kaldea,Momo omanu lalimue eteke va ka ku tata vali ndombuale yimue.
2 Tikula ombambo yimue kuenda fula osema.
Liupa oveu yove.
Lula osaya yove, molẽhisa ovolu ove.
Yoka olondui.
3 Epõlõla liove li ka situluiwa.
Osõi yove yi ka situluiwa.
Ame ndi ka fetuluinya+ kuenda laumue omunu o ka ndi tateka.*
4 “Onjovoli yetu,Yehova ukualohoka, oyo onduko yaye
Eye Una o Kola wa Isareli.”+
5 Tumãla loku ũha kuenda kuende vowelema,Amõla ufeko wa va Kaldea;+Ove ka va ka ku tukula vali hati, Cime* Cukãi Wovosoma.+
6 Onyeño yange ya wengukila omanu vange.+
Ame nda vĩhisa ocipiñalo cange,+Kuenda nda va eca peka liove.+
Pole, ove kua lekisile ohenda kokuavo.+
Ndaño muẽle akulu wa va kapa okanga yocilemo.+
7 Ove wa popia hati: “Ame ndi ka kala Cime* Cukãi otembo ka yi pui.”+
Ove kua kapeleko ovina evi kutima;Ove kua sokoluile ndomo ovina viaco vi ka sulila.
8 Kaliye yevelela eci, Ove o sole asanju,+Una wa tumãla apa pa koka, una o popia vutima waye hati:
“Ame nda velapo kuenda ka kuli ukuavo.+
Si ka kala ocimbumba.
Lalimue eteke ndi ka kũlĩha oku fisa omãla.”+
9 Pole, ovina evi vivali vi keya kokuove vocipikipiki, veteke limuamue:+
Oku fisa omãla kuenda umbumba.
Ovitangi evi vi keya kokuove+Omo liovombanda ove alua kuenda ku vakuonene vove vosi koku lova.+
10 Ove wa kolela kũvi wove.
Kuenda wa popia hati: “Lomue o ndi lete.”
Olondunge viove kuenda ukũlĩhĩso vi ka ku yapula,Kuenje ove o popia vutima wove hoti: “Ame nda velapo kuenda ka kuli ukuavo.”
11 Pole, ocitangi ci keya kokuove,Kuenda laumue umbanda wove u ka ci tateka.*
O ka pita lohali yimue; ku ka tẽla oku yi tateka.
Ekundu limue kua la mola, li keya kokuove vocipikipiki.+
12 Amamako yapa loku lova kuove kuenda ovombanda ove alua,+Ana wa siata oku linga tunde vumalẽhe wove.
Pamue ci ku kuatisa;Pamue o tẽla oku komõhisa lao omanu.
13 Ove wa kava omo lioku sandiliya olondunguli viove vialua.
Kaliye va katuke kuenda va ku popele,Vana va fendela ovailu,* va luluvalela kolombungululu,+Vana va kũlĩhĩsa olosãi viokaliyeCatiamẽla kovina vi keya kokuove.
14 Tala! Ovo va kasi ndinene.
Ondalu yi ka va lia.
Ka va tẽla oku li yovola ovo muẽle kongusu yulienge wondalu.
Ovo hakalako oku yotela,Kuenda handaluko yoku tumãla kovaso yalio.
15 Omo liaco, eci oco ovimbanda viove vi ka kala kokuove,Vina wa siata oku talavaya lavio tunde vutila wove.
Ovio vi ka tungayala okuti, omunu lomunu o ka enda konjila yaye.
Ka ku ka kala umue o ku popela.+
Atosi Pombuelo
^ Ale pamue, “kuenda ame si ka lisanga lomunu umue lohenda.”
^ Ale “Nasoma.”
^ Ale “Nasoma.”
^ Ale “Kuenda ove ku ka kũlĩha ndomo o liteyuila kumbanda.”
^ Ale pamue, “Vana va tepa ovailu; Vakuakukonomuisa olombungululu.”
