Isaya 28:1-29
28 Ngongo yepela liekolowa* lioloholua vio ko Efarimi+Kuenda liulamba weposo walio una wa lisoka lonelẽho yowuka,Li kasi kutue wocimbota cima ciwa ca vana va kolua lovinyu!
2 Tali! Yehova o kasi lu wa pama haeye ukuangusu.
Wa soka ndocilemĩlo kuenda ndociwe okuti, ehunguhungu limue li nyõla,Wa soka ndehunguhungu li koka etande liovava alua,Eye o ka imba ekolowa liaco longusu kilu lieve.
3 Epela liekolowa lioloholua vio ko EfarimiLi ka kosiwa.+
4 Kuenje ulamba weposo walio una wa lisoka lonelẽho yowuka,Una u kasi kutue wocimbota cima ciwa,U ka linga ndekuyu limue lia kula osimbu ondombo ka ya fetikile.
Eci umue a li mola, o li nõla kuenje o li lia.
5 Keteke liaco, Yehova ukualohoka o ka kala ekolowa limue liulamba kuenda ekofue liulamba ku vana okuti, ovisupe viomanu vaye.+
6 Kuenje eye o ka lingisa okuti, olonganji vi sombisa lonjila yimue ya sunguluka kuenda o ka kala ono yimue yongusu ku vana va tiuwiya ovita pombundi.+
7 Ovo va yapuisiwavo omo liovinyu;Ovina vi koluisa vi va lingisa oku yengenga.
Ocitunda kuenda uprofeto va yapuisiwa omo liovina vi koluisa;Ovinyu yi va tapiyasa,Kuenda ovo va yengenga omo liovina viavo vi koluisa;Ovinjonde viavo vi va yapuisa,Kuenda va lilondoka poku sombisa.+
8 Momo olomesa viavo via yukisiwa lolosanjo viavo vi lingisa onyanyaOmo liovina viaco, ka kuli ocitumãlo lacimue ca yelisiwa.
9 Helie o ka longisiwa,Kuenda kulie ku ka lomboluiwa esapulo?
Ku vana va sumũha kasenjele,Okuti vana va nyamuiwa kavele?
10 Momo oco “ocihandeleko locihandeleko, ocihandeleko locihandeleko,Ukolo woku seteka lukolo woku seteka, ukolo woku seteka lukolo woku seteka,+Kulo kamue, oko kamue.”
11 Omo liaco, pocakati ca vana va kokoma* kuenda pocakati celimi likuavo, eye o ka vangula lomanu ava.+
12 Eye wa va sapuilile hati: “Eci ocitumãlo cepuyuko. Eceleli okuti, una wa kava o puyuka; eci ocitumãlo cekavuluko,” pole, ovo va likala oku yevelela.+
13 Omo liaco, eyi oyo yi ka kala ondaka ya Yehova kokuavo yokuti:
“Ocihandeleko locihandeleko, ocihandeleko locihandeleko,Ukolo woku seteka lukolo woku seteka, ukolo woku seteka lukolo woku seteka,+Kulo kamue, oko kamue,”Oco okuti eci ovo va enda,Va ka lilondoka kuenda va kupuka ocinyimaimeKuenda va teka loku yonjiwa kuenje va kuatiwa.+
14 Omo liaco, yeveleli ondaka ya Yehova alume vakuakulitunula,Ene alombiali vomanu va kasi vo Yerusalãi,
15 Momo ene vu popia hati:
“Tua linga ocisila cimue Lolofa,+Kuenda tua linga ocisila* cimue Lonjembo.*
Eci ku ka pita endunde linene,Olio ka li ka tu veta,Momo uhembi tua u lingisa ocitililo cetuKuenda tua li salamisa vuhembi.”+
16 Omo liaco, ca popia Ñala Tõlo Yehova ceci hati:
“Tali! Ndi kasi loku kapa ewe limue lia setekiwa ndociseveto ko Siono,+Ewe lilikasi lievindi+ liociseveto ca pama.+
Lomue wa kolela o ka kuata usumba.+
17 Kuenje esunga ndi ka li lingisa ukolo woku seteka,+Kuenda esunguluko ndi li lingisa opulumu yoku seteka.+
Ociwe ci ka veta ocitumãlo cuhembi,Kuenda ovava a ka yukisa ocitumãlo cocitililo.
18 Ocisila cene Lolofa ci ka imũha,Kuenda ocisila cene Lonjembo* ka ci ka kapiwako.+
Eci endunde linene li keya,Ene vu ka nyõliwa laco.
19 Olonjanja viosi eci liya,Olio liu wambati;+Momo li keya omẽle lomẽle,Vokuenda kutanya kuenda vokuenda kuteke.
Ocinjoko caco oco lika ci ka ku lingisi okuti, vu kuata elomboloko lieci vu kasi oku yeva.”*
20 Momo ula umbumbulu calua oco ku pekeliwe,Kuenda elasola litito oku limuñilapo.
21 Momo Yehova o ka votoka ndeci a linga Komunda Perasimi;Eye muẽle o ka katuka ndeci a lingile kocimbota* ocipepi lo Giveone,+Oco a tẽlise upange waye, upange waye ka wa kũlĩhĩwile,Kuenda oco a tẽlise ovilinga viaye, ovilinga viaye vi komõhisa.+
22 Kaliye, ko ka pembuli,+Oco alienge ene ka a ka kutiwe vali longusu,Momo ame nda ci yeva ku Ñala Tõlo Yehova ukualohoka,Okuti, enyõleho limue lia nõliwila ofeka yosi.*+
23 Kululi ovatũi ene kuenda yeveleli ondaka yange;Yeveleli lutate kuenda yevi eci mopia.
24 Anga hẽ ukuakulima amamako oku lima eteke liosi osimbu ka wayele ombuto?
Anga hẽ eye amamako oku tapika kuenda o lima osi okuti ka liwekapo?+
25 Eci eye a paliyala osi,Ka sandula hẽ okuminyu yi tekãva loku lima okuminyu yaño,Kuenda ka limi otiliku, asangu losevata kovitumãlo via sunguluka,Kuenda otiliku yikuavo*+ kolohulo?
26 Momo eye u longisa* lonjila yimue ya sunguluka;Suku yaye u longisa.+
27 Okuminyu yi tekãva ka yi nyõleha lomakina yoku sasa,+Kuenda ka mu piti alola okalosa vokuminyu yaño;Pole, okuminyu yi tekãva yi sasiwa lombueti yimue,Kuenda okuminyu yaño lombueti yimue.
28 Anga hẽ omunu umue o fula olomema oco a pange ombolo?
Sio, eye ka vi sasa okuti ka liwekapo;+Kuenda eci eye a pitisako elola liokalosa kaye kumue lolokavalu viaye,Eye ka vi fula.+
29 Ovina viaco, vi tundavo ku Yehova ukualohoka,Okuti alungulo* aye a komõhisaKuenda ovopange aye anene.*+
Atosi Pombuelo
^ Citava okuti, ci tiamisiwila kolupale lua velapo luo Samaria.
^ Lit., “omẽla.”
^ Ale pamue, “tu kuete ocinjonde cimue.”
^ Okuti, ocitumãlo mu kendiwa omanu va fa.
^ Okuti, ocitumãlo mu kendiwa omanu va fa.
^ Ale pamue, “Eci ovo va kuata elomboloko va ka kuata usumba.”
^ Ale “etapi lia vomba.”
^ Ale “ilu lieve liosi.”
^ Ondaka yo Heveru yi tiamisiwila kotiliku yimue yi sule ya enda oku limiwa Kegito yosimbu.
^ Ale “epindiso; ekangiso.”
^ Ale “ocipango.”
^ Ale “Una okuti olondunge viaye vialua.”
