Isaya 16:1-14
-
Esapulo lioku katukila o Moavi li amamako (1-14)
16 Tumi omeme yimue kombiali yofeka,Oku upisa ko Sela toke vekalasoko,Komunda yolupale luo Siono.
2 Ndeci ci pita lonjila yimue ya lupuisiwa pocanju calio,+Haico ci ka pita lolonungi vio Moavi kolonepa viosi vioku yoka o Arinone.+
3 “Eci elungulo, kapiko onjila ya nõliwapo.
Lingisi okuti, ulembo wene wekumbi pongunji u kala nduteke.
Seleki vana va sanduiwa kuenda ko ka pakuli vana va tila.
4 Vana va sanduiwa, va tunge pokati kove, A Moavi.
Ocitumãlo caco ci kale ocitililo kokuavo omo liukuakunyõla.+
Una ukuakutalisa ohali o ka sulila,Enyõleho li ka puako,Kuenda vana va kosa vakuavo va ka nyõliwa kilu lieve.
5 Kuenje ku ka tumbikiwa ocalo cimue ci ka kala otembo ka yi pui vocisola ka ci pongoloka.
Una o ka tumãlamo okuti, vombalaka ya Daviti o ka kala ukuacili;+Kuenje eye o ka sombisa lesunga kuenda o ka linga lonjanga eci ca sunguluka.”+
6 Tua yeva eci catiamẽla kepela lio Moavi liokuti, eye o kuete epela lialua.+
Tua yevavo oku litunula kuaye, epela liaye kuenda onyeño yaye;+Pole, ombangulo yaye yesanda ka yi ka kuata onima.
7 Omo liaco, Moavi o ka lisiõsuĩla ohali yaye;Vosi yavo va ka lisiõsiõla.+
Vana va tipuiwa va ka lila omo liakende ayuva o ko Kiri-Hareseti.+
8 Momo ovapia o Hesibone+ a linga ovipembe,Uyuva wo Sivima;+Olombiali violofeka vi ka kosa ovianja viayo via ima ayuva a kusuka;Ovianja viaco vi pitĩla toke ko Yasere;+Ovianja viaco vi pitĩla toke kekalasoko.
Ovisiakata vialio via lisanduile kuenda via enda toke kokalunga.
9 Eli olio esunga lieci ndi ka lilila ko Sivima ndeci nda lilila ko Yasere.
A Hesibone kuenda A Eleale, ndi ko yukisi lasuẽlẽla ange,+Momo onjuela yapako ove ondombo, ya puako kuenda oku ungula kuove kua sulila.*
10 Onjolela kuenda esanju ka vi kasi vali vocumbo cayuva,Kuenda ka kuli ovisungo viesanju ndaño onjuela vocumbo cayuva.+
Ka ku kosiwa vali ayuva pocikoselo,Momo nda imũlako onjuela.+
11 Eli olio esunga lieci utima wange u lulumĩla o Moavi,+Ndovikolo viohalupa,Kuenda vokati kange mu lisiõsuĩla o Kiri-Hareseti.+
12 Ndaño okuti Moavi o li kavisa kilu liocitumãlo ci kola loku iñila oku likutilila kocitumãlo calio ci kola, eye ka ka tẽlisa cimue.+
13 Eyi oyo ondaka Yehova a popele yatiamẽla ku Moavi.
14 Kuenje cilo Yehova o popia hati: “Vokuenda kuanyamo atatu, ndanyamo wukuakutalavayela, ulamba wo Moavi u ka hongua lasakalalo alua kuenda vana va ka supapo ka va ka lua kuenda ka va ka kuata esilivilo.”+
Atosi Pombuelo
^ Ale pamue, “Momo oku kaluka kuyaki kua lokila kapako ene ondombo kuenda koku ungula kuene.”
