Isaya 55:1-13
55 Enjui vosi yene vu kuete enyona,+ enjui kovava!+
Ene ka vu kuete olombongo, enjui landi kuenda li!
Ocili, enjui, landi ovinyu lasenjele+ pole, halolombongoko, halondandoko.+
2 Momo lie vu kasilili oku amamako oku pesela olombongo kueci okuti hamboloko,Kuenda momo lie vu pesila olombongo* viene kueci ka ci nena ekuto?
Njeveleli lutate kuenda li eci ciwa,+Kuenje ene vu ka sanjukila ovikulia viwa.+
3 Vonguili atũi ene kuenda enjui kokuange.+
Yeveleli kuenda vu kamamako oku kala lomuenyo,Kuenje ame ndi ka linga lene ocisila cotembo ka yi pui,+Omo liocisola ka ci pongoloka nda likuminya ku Daviti. Ohuminyo yaco ya koleliwa.+
4 Tali! Ame ndo lingisa ombangi yimue+ yolofeka,Usongui umue+ kuenda kesongo+ kolofeka.
5 Tala! Ove o ka vilikiya ofeka yimue kua kũlĩhĩle,Kuenda omanu vofeka yina ka va ku kũlĩhĩle va ka yolokela kokuoveMekonda lia Yehova Suku yove,+ Una o Kola wo Isareli,Momo eye o ka ku kemãlisa.+
6 Sandi Yehova osimbu eye a pondola oku sangiwa.+
U vilikiyi osimbu a kasi ocipepi.+
7 Olondingaĩvi vi tinduke konjila yavo yĩvi+Kuenda omanu vakuevĩho va siepo ovisimĩlo viavo vĩvi;Va tiuke ku Yehova, una o ka va kuatela ohenda,+Ku Suku yetu, momo eye o ka ecela lutima wosi.+
8 “Momo ovisimĩlo viange, havisimĩlo vieneko,+Kuenda olonjila viene halonjila viangeko,” oco Yehova a popia.
9 “Momo ndeci ovailu a lepa okuti ongongo yi sule,Olonjila viange via lepa okuti olonjila viene vi suleKuenda ovisimĩlo viange via lepa okuti viene vi sule.+
10 Momo ndeci ombela locikokoto vi loka kilu,Kuenda ka vi tiukilako vali osimbu handi ka via tapelele ongongo, loku ecelela okuti oyo yima loku yova,Loku eca ombuto kukuakukũla kuenda okulia kukuakulia,
11 Haico ci kala ondaka yi tunda vomẽla wange.+
Ka yi ka tiukila kokuange okuti ka yi tẽlisa ocimãho calio,+Pole, yi ka tẽlisa muẽle eci nda panga,*+
Kuenda yi ka tẽlisa muẽle ocimãho ceci nda yi tumĩla.
12 Momo ene vu ka enda lonjolela,+Kuenda vu ka neniwa lombembua,+Olomunda kuenda oviwulu vi ka sanjuka eci vu pitĩla loku kaluka lonjolela,+Kuenje oviti viovusenge vi ka pandula.+
13 Pocitumãlo colosongo pa ka kulila uti wongaye,+Kuenda pocitumãlo colonjuanjua, pa ka kulila uti wusombo.
Kuenda eci ci ka nena ekemãlo ku* Yehova,+Kuenje ci ka kala ondimbukiso yotembo ka yi pui yina okuti, lalimue eteke yi ka nyõliwa.”
Atosi Pombuelo
^ Ale “ofeto vu tambula lesalamĩho.”
^ Ale “ocipango cange.”
^ Ale “o ka linga onduko yimue.”
