Mga Awit 64:1-10
Sa direktor. Awit ni David.
64 Pakinggan mo, O Diyos, ang pagmamakaawa ko.+
Ingatan mo ang buhay ko sa nakapangingilabot na pagsalakay ng kaaway.
2 Ingatan mo ako mula sa lihim na mga pakana ng masasamang tao,+Mula sa mga gumagawa ng masama.
3 Pinatatalas nilang gaya ng espada ang dila nila;Iniaasinta nilang gaya ng palaso ang kanilang masasakit na salita,
4 Para panain mula sa kanilang taguan ang walang-sala;Bigla nila siyang pinapana nang hindi natatakot.
5 Desidido sila sa masamang plano nila;*Pinag-uusapan nila kung paano itatago ang kanilang mga bitag.
Sinasabi nila: “Sino ang makakakita sa mga iyon?”+
6 Nag-iisip sila ng mga bagong paraan para gumawa ng masama;Palihim silang gumagawa ng tusong mga pakana;+Hindi maarok ang laman ng puso nila.
7 Pero papanain sila ng Diyos;+Bigla silang tatamaan ng palaso.
8 Ang sarili nilang dila ang magpapabagsak sa kanila;+Mapapailing ang lahat ng makakakita nito.
9 Ang lahat ng tao ay matatakot,At ihahayag nila ang ginawa ng Diyos,
At mauunawaan nila ang kaniyang mga gawa.+
10 Ang matuwid ay magsasaya dahil kay Jehova at manganganlong sa kaniya;+Ang lahat ng may matuwid na puso ay magagalak.*